... - тадзи буракӧ шусис ӧти коми кывбур; " Би кинь" журналын йӧзӧдӧма вӧлі. Уна во сайын лыддим сійӧс. Перымын олігӧн на. Но со оз ӧвсьы мукӧдыслы. Ӧта-мӧд бӧрся чувйӧны да чушкалӧны - мый пӧ стынитан-узян. Йӧзыс пӧ ловзялӧны нин. Тэ тшӧтш садьмы да сьыв. Арся сьыланкывтӧ.
Но мый. Позьӧ кыв-мӧд и гижыштны.
Кольӧм ӧшымӧ дзик нин ловнам уси. Комитӧ бара эгӧ вермӧ дорйыны да. Сэсся и лабораторияным киссян выйӧ воліс. "Ӧнія сёрни" моз вальдыны мӧдіс. Но кыдзкӧ колим на ӧтув. Этша на. Ӧшымын миянлы кӧсйисны уна буртор - содтӧд уджалысьясӧс, выль техника, ыджыд сканер да мый да. Выль уджалысьяс эськӧ локтісны бӧръяпом. А со техниканас ставыс дудіс. Сканер дорӧ оз жӧ лэдзны.
Но ми век жӧ могнымӧс тыртам таво! Во помланяс - 20 миллион кылаин ыджда коми корпус лоас!!!
