Тайӧ арся шӧрлуныс тӧд вылӧ медводз пуксис медводдзаысь усьӧм лымнас. Муыд уналаті шебрасьӧма еджыд эшкыннас да. Эськӧ и ӧти войколӧн сёрӧнджык Пӧкрӧвысся.
Лаборанталі талун унджыксӧ Куратов гижӧдъясӧн. Нӧшта ӧтчыд вежӧрті - научнӧя дасьтӧм текстъясыд абу быть медся бурӧсь мичлун боксяньыс. Заводиті пуктыны Ӧльӧш Ваньлысь кывбуръяссӧ сайтӧ.
Ондре вӧлись помаліс тыва кывкудсӧ да лэдзис сійӧс ӧтуввезйӧ. Куим вой абу узьлӧма мортыд - и вӧчӧма таки вӧвлытӧмтор. Ӧні кӧрт туйтӧм тываяслӧн эм асланыс электрон кывкуд!
Узьысь красавичаным талун сизим час чӧж уджаліс миянын да помаліс вӧлисти "Коми йӧзкостса эпос". Зӧвсьӧрт рулитӧ! Сэсся тайӧ небӧгыс выйим нин pdf форматын. Кодлы колӧ - босьтӧй!
Скӧрӧдумса Наташ вайис тексталӧмсӧ: Юшковлысь повесьтъяссӧ, Тиминлысь "Ракетасӧ" да Напалковлысь "Радейтӧмсӧ", босьтіс уджӧ Одинцовӧс ставнас да Лыюровлысь "Водзын любовсӧ". Дзик нин вӧйис уджйӧзӧ нылыд банкъяслы. Мездысьны мися колӧ регыдджык сьӧмсьыд, воӧ кӧ нин киад. Сьӧмысла став лёктор... Бурджык мися кывбуръястӧ гиж - сьӧлӧмпӧт кӧть лоас!
Рытнас лӧсьӧдыштім Палэзиккӧд Толь Геньлысь сьыланкыв удмурт ногӧн. Лӧсьыда бӧръяпом артмис - "Шунды шудэ Эжва шурын..."
Талун кыпыда пасйим Ёгор Мишыслы 200 арӧс. Юим сы понда кода пувва да комиӧдім медся тӧдса кывбурсӧ. Со сійӧ:
Ондре вӧлись помаліс тыва кывкудсӧ да лэдзис сійӧс ӧтуввезйӧ. Куим вой абу узьлӧма мортыд - и вӧчӧма таки вӧвлытӧмтор. Ӧні кӧрт туйтӧм тываяслӧн эм асланыс электрон кывкуд!
Узьысь красавичаным талун сизим час чӧж уджаліс миянын да помаліс вӧлисти "Коми йӧзкостса эпос". Зӧвсьӧрт рулитӧ! Сэсся тайӧ небӧгыс выйим нин pdf форматын. Кодлы колӧ - босьтӧй!
Скӧрӧдумса Наташ вайис тексталӧмсӧ: Юшковлысь повесьтъяссӧ, Тиминлысь "Ракетасӧ" да Напалковлысь "Радейтӧмсӧ", босьтіс уджӧ Одинцовӧс ставнас да Лыюровлысь "Водзын любовсӧ". Дзик нин вӧйис уджйӧзӧ нылыд банкъяслы. Мездысьны мися колӧ регыдджык сьӧмсьыд, воӧ кӧ нин киад. Сьӧмысла став лёктор... Бурджык мися кывбуръястӧ гиж - сьӧлӧмпӧт кӧть лоас!
Рытнас лӧсьӧдыштім Палэзиккӧд Толь Геньлысь сьыланкыв удмурт ногӧн. Лӧсьыда бӧръяпом артмис - "Шунды шудэ Эжва шурын..."
Талун кыпыда пасйим Ёгор Мишыслы 200 арӧс. Юим сы понда кода пувва да комиӧдім медся тӧдса кывбурсӧ. Со сійӧ:
Коль видза, мыськытӧм Роч муӧй,
Вер видзан вермысьяслӧн му,
Куш кельыдлӧз мундир кӧн туӧ,
А йӧзыд паныд нем оз шу.
Ен тӧдӧ, гашкӧ Кавказ лёддзыс
Саёвтас менӧ понъяссьыд,
Быдтортӧ синйысь синъяс водзысь
Да лёкӧн лякысь вомъяссьыд.
О-го! Ачым на талун мӧвпалі, мый колӧ эськӧ "Коми йӧзкостса эпос" пӧдӧӧфавны. (выль кыв - пырт коми кыв корпусад, чайта. ме кындзи тайдзи некод на эз гиж!!!) А со нин дась. Меным, ен могысь, ысты тайӧ уджсӧ. Конперециа вылӧ тай волісны якут туялысьяс, найӧ туялӧны эпос. И кор тӧдмалісны, мый Микушев дасьтыліс "Коми йӧзкостса эпос", а небӧгыс сетны абу, найӧ шайпаймунісны. Ме ыста налы, мед нимкодясясны. Кӧть эськӧ шуны кӧ, эпос туялысьлы быть колӧ тӧдны, мый "Эпос народов СССР" сериаын петавліс уна во чӧжыс.
ОтветитьУдалитьВая дерт, Ӧльӧш! Неуна пелькӧдышта на да.
Удалить