Талун бӧра ветлі карӧ. Босьті белет ашыння автобусвӧ Ижевскӧдз. Пета наттьӧ 9.10, локта удмурттэз канкарӧ 14:30. Ӧтӧрас сё лымьялӧ, пурга-падера оз чин. Поди и тыртас туйесӧ да, огӧ ештӧ ас кадӧ локны. Но сё ни локта, коли пета.
Кар шӧрӧ шеді да луннас попуте мӧдпыр пыралі универаным. Тӧн эг застанит, а талун пантаси даки перем коми кафедра вылын Алякӧт, кӧда коми-пермяцкӧй лингвистикаӧн веськӧтлӧ. Сія висьтасис, кыдз нія олӧны. Ачыс да кык лаборант - Лена да Марина. Тыртӧны жӧ нійӧ гумаганас, вештӧны етша жӧ. Но кыскӧны тай додьсӧ. Кык аспирант пӧ ӧні татісь комиэзлӧн. Ӧтыс Ижкарын велӧдчӧ, эг юась кин бердын. Мӧдыс, Ленаыс, уджалӧ кафедра вылас, коми морфология сьӧрті гижӧ. Лыддьӧтӧ студенттэзлӧ уна курс и ӧддьӧн пӧ кужись нывка. Мыся, Аля, ноко сійӧ миян дорӧ Сыктывкарӧ коммандируйт. Велӧтам программаэзӧн уджавны, сыбӧрын татӧн быдӧннытӧ велӧтас. Сэк и морфоанализатор, и орфография модуль, и эл. кывчукӧр да мый да аслыныт лӧсьӧтны верматӧ. Ачыс нывкаяс татӧн жӧ вӧлі. Мыччалі сылӧ миянлісь сайттэз да велӧті уджавны антконк программаын. Сылӧ некӧ гленитчис, кӧсйис сэсся гуддьсьыштны сайтас.
Ме дырни кабинетас пыралісӧ студенткаэз - комиӧн баитӧны (пермяцкӧй нёж). Пасибӧ висьталісӧ коми раскладка понда. Телепоннэзын пӧ унаэзлӧн ни эм сія. Олӧны комиэз татӧн сідз-ту неумӧля. Таво пӧ коми отделеннёын велӧтчыны сетісӧ документтэз 20-ся унажык абитуриент - 16 места вылӧ. Исьтиковскӧй сьӧрті Сыктывкарын таво классиккезлӧн 10 места вӧлі, а велӧтчыны локтісӧ токӧ кыкьямыс морт... Коми группаэсӧ Перемас абу ӧтлаӧтӧмась роччезкӧт, кыдз зыряналӧн. То и думайт, кин чожажык рочсялас.
Ӧні коми пермячкаэз лӧсьӧтӧны лэдзны виль перем коми кывлад (грамматика) педучилище понда. Комиӧн. Быд год лэдзӧны сборниккез. Кыдз и ештӧны - ог вермы висьтавны.
Гортӧ рытнас локті да эг ни уджав. Мӧдіккез уджалӧны да мыйлӧ! Лыддьӧтышті, кывзышті музыка, видзӧті важ фоткаэз. Арся вӧлись шоччисис!!!
Кар шӧрӧ шеді да луннас попуте мӧдпыр пыралі универаным. Тӧн эг застанит, а талун пантаси даки перем коми кафедра вылын Алякӧт, кӧда коми-пермяцкӧй лингвистикаӧн веськӧтлӧ. Сія висьтасис, кыдз нія олӧны. Ачыс да кык лаборант - Лена да Марина. Тыртӧны жӧ нійӧ гумаганас, вештӧны етша жӧ. Но кыскӧны тай додьсӧ. Кык аспирант пӧ ӧні татісь комиэзлӧн. Ӧтыс Ижкарын велӧдчӧ, эг юась кин бердын. Мӧдыс, Ленаыс, уджалӧ кафедра вылас, коми морфология сьӧрті гижӧ. Лыддьӧтӧ студенттэзлӧ уна курс и ӧддьӧн пӧ кужись нывка. Мыся, Аля, ноко сійӧ миян дорӧ Сыктывкарӧ коммандируйт. Велӧтам программаэзӧн уджавны, сыбӧрын татӧн быдӧннытӧ велӧтас. Сэк и морфоанализатор, и орфография модуль, и эл. кывчукӧр да мый да аслыныт лӧсьӧтны верматӧ. Ачыс нывкаяс татӧн жӧ вӧлі. Мыччалі сылӧ миянлісь сайттэз да велӧті уджавны антконк программаын. Сылӧ некӧ гленитчис, кӧсйис сэсся гуддьсьыштны сайтас.
Ме дырни кабинетас пыралісӧ студенткаэз - комиӧн баитӧны (пермяцкӧй нёж). Пасибӧ висьталісӧ коми раскладка понда. Телепоннэзын пӧ унаэзлӧн ни эм сія. Олӧны комиэз татӧн сідз-ту неумӧля. Таво пӧ коми отделеннёын велӧтчыны сетісӧ документтэз 20-ся унажык абитуриент - 16 места вылӧ. Исьтиковскӧй сьӧрті Сыктывкарын таво классиккезлӧн 10 места вӧлі, а велӧтчыны локтісӧ токӧ кыкьямыс морт... Коми группаэсӧ Перемас абу ӧтлаӧтӧмась роччезкӧт, кыдз зыряналӧн. То и думайт, кин чожажык рочсялас.
Ӧні коми пермячкаэз лӧсьӧтӧны лэдзны виль перем коми кывлад (грамматика) педучилище понда. Комиӧн. Быд год лэдзӧны сборниккез. Кыдз и ештӧны - ог вермы висьтавны.
Гортӧ рытнас локті да эг ни уджав. Мӧдіккез уджалӧны да мыйлӧ! Лыддьӧтышті, кывзышті музыка, видзӧті важ фоткаэз. Арся вӧлись шоччисис!!!
 |
| Викинггез посадын (Норвегму). 2010ʼ вося розосво. |
Комментариев нет:
Отправить комментарий