Вежон шӧр. Кӧдзыд. Лунтыр висьӧдчи да выльсӧ нинӧм эг и вӧч - важсӧ пелькӧдлі, коркӧя кӧсякъясӧс бырӧдалі. Чайта, колӧ збыль шойччыны кытчӧ мунны ли мый ли. Кусынтча ӧд, тадзикӧн кӧ водзӧ кута ӧтнам дас пыдди додьсӧ кыскыны. Вертепса, забыль, ӧдва ловъя жӧ, уджыс пӧ юр выв тыр - ловзьыштны некор.
Асывнас бара миян петкӧдчис профессор. Письмӧасьны пӧ колӧ. Пуксьӧді Ондре комп водзӧ. Муртса босьтчи ас удж бердӧ, пырӧ том морт. Важъя пуртъяс пӧ туяла этнография боксянь. И кутісны кывсьыны ханты, ирансаяс, тюрокъяс да с.в. Слабог, Игушев ёрт слӧймыліс да, тӧдмӧді найӧс. Заводитчис вылыс научнӧй сёрни. Сюрс вояс сайӧ вӧйӧдчӧмӧн. Коли сӧмын нимкодясьны, мый сӧстӧм наука миян выйим на. Сэсся, профессор пышйис да, зон меным вӧзйис вуджӧдны кутшӧмкӧ акафист важ перым кыв вылӧ. Мися ог тӧд важ перым кывсӧ. А ӧнія ногӧн пӧ верман комиӧдны? Огджык мися, эмӧсь тай кужысьджык вуджӧдчысьяс - и инді Висер Вась котыр вылӧ. Мися Сэпӧ шыпасъясӧн тексттӧ гижа малӧ-делӧ бӧрыннас. А важ пуртъяс кузя кӧ... ме мися бӧръя сё во ӧдва-ӧдва шымырта. А мый вӧлі войдӧр, тайӧ меным сьӧд вӧр шӧр. Быдыслы аслас - шуис сійӧ да муніс.
Луннас Вомынса вайліс Напалковлысь тексталӧмсӧ. "Томъяссӧ" вӧчӧма. Шуӧ, эз пӧ кажитчы гижанногыс. Фёдоровъяс бӧрын пӧ пыр и тӧдчӧ - тайӧ абу нин классика. Кужӧ тай гӧгӧрвоны стильсӧ том зонмыд!. Медводдза веськыд лит. критика кыла томъяссянь. И тайӧ абу филолог...
Рытладор воліс Тувсовъя. Кутшӧмкӧ гижӧд чукӧр дасьтӧ томъясысь жӧ да, сканерасис бурпӧт. Сэсся юим тшай блогъясьӧм йылысь варовитігтыр. Мыйкӧ миян Number One век оз вермы суӧдны талунъя лунсӧ. Тшӧтш уджӧн тырис да. Весиг лекцияяс пӧ кӧнкӧ лыддьӧ!
Войлань спеллералі "Кык друг" романлысь воддза редакция. Аски кута орччаӧдны мӧдыскӧд.
Талун чужи мӧд арся тӧлысь (а гашкӧ и арся мӧд тӧлысь). Кыдзи шуліс поэт:
Вӧлись и йирым тан - рас пыркӧдӧ нин чӧла
Куш увъяс вывсянь медбӧръя сім кор;
Лёк швичкӧ арся тӧв - туй кынмӧ шы ни тӧла,
Важ мельничаладорын век на жургӧ шор,
А тыыс йизьӧма нин; тэрмасьӧ то вӧла
Суседӧй ыбъясӧ, кӧн кыптӧ кыйсян гор,
И ымзӧны йӧй гажла унзіль ӧзим муяс,
И понъяс увталӧмла садьмӧны ты пуяс.
Ӧти сайын, чолӧмалам лоана суседъяснымӧс! И суйӧр миян - Из.
Мед олас КНР!
Асывнас бара миян петкӧдчис профессор. Письмӧасьны пӧ колӧ. Пуксьӧді Ондре комп водзӧ. Муртса босьтчи ас удж бердӧ, пырӧ том морт. Важъя пуртъяс пӧ туяла этнография боксянь. И кутісны кывсьыны ханты, ирансаяс, тюрокъяс да с.в. Слабог, Игушев ёрт слӧймыліс да, тӧдмӧді найӧс. Заводитчис вылыс научнӧй сёрни. Сюрс вояс сайӧ вӧйӧдчӧмӧн. Коли сӧмын нимкодясьны, мый сӧстӧм наука миян выйим на. Сэсся, профессор пышйис да, зон меным вӧзйис вуджӧдны кутшӧмкӧ акафист важ перым кыв вылӧ. Мися ог тӧд важ перым кывсӧ. А ӧнія ногӧн пӧ верман комиӧдны? Огджык мися, эмӧсь тай кужысьджык вуджӧдчысьяс - и инді Висер Вась котыр вылӧ. Мися Сэпӧ шыпасъясӧн тексттӧ гижа малӧ-делӧ бӧрыннас. А важ пуртъяс кузя кӧ... ме мися бӧръя сё во ӧдва-ӧдва шымырта. А мый вӧлі войдӧр, тайӧ меным сьӧд вӧр шӧр. Быдыслы аслас - шуис сійӧ да муніс.
Луннас Вомынса вайліс Напалковлысь тексталӧмсӧ. "Томъяссӧ" вӧчӧма. Шуӧ, эз пӧ кажитчы гижанногыс. Фёдоровъяс бӧрын пӧ пыр и тӧдчӧ - тайӧ абу нин классика. Кужӧ тай гӧгӧрвоны стильсӧ том зонмыд!. Медводдза веськыд лит. критика кыла томъяссянь. И тайӧ абу филолог...
Рытладор воліс Тувсовъя. Кутшӧмкӧ гижӧд чукӧр дасьтӧ томъясысь жӧ да, сканерасис бурпӧт. Сэсся юим тшай блогъясьӧм йылысь варовитігтыр. Мыйкӧ миян Number One век оз вермы суӧдны талунъя лунсӧ. Тшӧтш уджӧн тырис да. Весиг лекцияяс пӧ кӧнкӧ лыддьӧ!
Войлань спеллералі "Кык друг" романлысь воддза редакция. Аски кута орччаӧдны мӧдыскӧд.
Талун чужи мӧд арся тӧлысь (а гашкӧ и арся мӧд тӧлысь). Кыдзи шуліс поэт:
Вӧлись и йирым тан - рас пыркӧдӧ нин чӧла
Куш увъяс вывсянь медбӧръя сім кор;
Лёк швичкӧ арся тӧв - туй кынмӧ шы ни тӧла,
Важ мельничаладорын век на жургӧ шор,
А тыыс йизьӧма нин; тэрмасьӧ то вӧла
Суседӧй ыбъясӧ, кӧн кыптӧ кыйсян гор,
И ымзӧны йӧй гажла унзіль ӧзим муяс,
И понъяс увталӧмла садьмӧны ты пуяс.
Ӧти сайын, чолӧмалам лоана суседъяснымӧс! И суйӧр миян - Из.
Мед олас КНР!
Комментариев нет:
Отправить комментарий