Чудьлуныс кольӧ. Абу жӧ озыр вӧлі лоӧмторъясӧн, но мыйсюрӧ висьтавмӧн эмышт жӧ.
Медгажа юӧр: бара уджалам кыкӧн. Ёртӧй корректируйтіс видеоурокнымӧс да лӧсьӧдіс мари гижанног модуль. Сэсся пӧ колӧ лӧсьӧдны и комисӧ. Аскисянь, колӧкӧ, лоӧ пуксьыны. Талун чукӧрті лэдзӧсъясысь (переносъясысь) эмпирика. Окота вӧлі стӧча тӧдны, кутшӧмджык принцип кивывджык пуктыны лэччӧдан автоматӧ: слогалӧмӧн либӧ морфемаясӧ юкӧмӧн. Гижи став переноса кыв некымын нигаысь. Результатыс татшӧм: 1000 слогасьӧм : 44 морфемаасьӧм. Гӧгӧрвоана, мый лэччӧдны кывъястӧ кості кутам слогвыв принцип серти.
Выльысь уджалам Ондреыскӧд да, бара нимкодяся ёртӧйлӧн ёсь интеллектнас. Буретш юрӧ воис зэв аслыспӧлӧс орччаӧдӧм. Быдлунъя пасйӧдъяс вӧчигӧн ме аслам литературщинаӧн быттьӧкӧ доктор Ватсон, а Ондре аслас дедуктив методъясӧн да кӧдзыд вежӧрнас - збыльвывса Холмс. Кор сійӧ уджалан руа дерт... Мунас кӧ татысь пыр кежлӧ, ӧдвакӧ сы тӧдӧмлунъяса да сы мывкыда мӧд инженер петкӧдчас сэсся коми кыв дораным...
Пажнайтны талун корисны Надяа-Кирилла, менам важъя ёртъяс. Локті Сюръяас, а сэні накӧд Толя Микулай. Перво эг и тӧд сійӧс, аддзысьлім ӧтчыд ли кыкысь чукӧртчылӧмъясын. Мортыс дас воысь дыр велӧдчылӧма суйӧр сайын да неважӧн лоӧма философия докторӧн Эстмуын. Ӧні бӧр локтіс чужанінӧ да корсьӧ удж. Мед вужъясьӧ жӧ татчӧ, а то воштам Лади Миколӧс моз. Кори том туялысьӧс миянкӧд тшӧтш коми кывтӧ кыпӧдны. Кытчӧдз зумыд уджаланін оз сюр миянлы мися отсасьышт. Петкӧдлі мыйджык вӧчам. Кӧсйис думайтыштны.
А Кириллъяс век на кореясьӧны. Менӧ, шуам, сӧмын кореяса ногӧн нимтӧны. Коркӧ кореяночкаӧс Надьыд вайӧдліс миянӧ да, нывкаыс сэсся асланыс этнография журналас йӧзӧдӧма гижӧд миян удж йылысь. Статьяыс дерт кореяса кыв вылын да Арсятӧ сэн ыждӧдлӧны Лав Бакса (Велӧдысь Лав, миян ногӧн кӧ). Со и сералӧны ёртъясӧй сэсся. Надяяскӧд век гажа. Кужӧны жӧ шмонитны. Больгыштім ӧттор-мӧдтор йылысь, кодсюрӧясӧс гарыштім и. Но, коми йӧзыд шмоньтӧ озджык гӧгӧрвоны да, сійӧн чӧв усьла татчӧ...
Луннас Катя Коваль, коді тай вӧчӧ "Войвыв кодзувлы" уна вося юриндалысь, весьӧпӧртмӧн юӧртіс: плешкаӧй пӧ воши, и став 1960ʼ воясыд бырины лы ни ку... Сідзсӧ пызан вылас пӧ куйлӧма тӧрыт. Талун пӧ локті уджавнытӧ - абу! Ичӧтик пӧ лача, плешкаыс кӧ тӧрыт сьӧрсьым босьтсьӧма да кӧнкӧ гортын зептам куйлӧ. Лачаыс мися кувлӧ медбӧръянас... И тадзи, медбӧръя надеянас, олім сёр рытӧдз - вой кежлас нин сэсся Катюша гижӧма контактӧ - сюрӧма тай зепсьыс плешкаыд. Мый татчӧ шуан? Аллах акбар!
Пемдандор пыраліс Лы Тун. Ондре бара тані да, пыравтӧг оз ов. Кыкнанныс век оз ӧвсьыны кӧкӧвскӧӥ тӧждъясысь. Мися, сэтшӧма кӧ косьӧ кыскӧ - полкуйтчӧй да мунӧй донбаситчыны. А сідз шаститны печать керкаті да майшасьны босьтлытӧм Кыйкар вӧсна - мый тӧлкыс?! Пашыстъяс мися кыкнан ладорысь йӧзсӧ бырӧдӧны, а мӧскуаса да кыйывса геббельсъяс вылісянь глобальнӧй индӧд серти кык вок войтырсӧ йӧйтӧдӧны да уськӧдӧны мӧда-мӧд вылӧ. Ен мед ӧдйӧджык вакрамеш индас став кӧин чукӧр, коді му вылас йӧзсӧ пеж кипод улын кутӧ. Да тшӧтш и шакалъясӧс, вынаяс бердын вердчысьясӧс, мед кульыс ӧтиӧдз жӧ ас дорас босьтас... Но вензьыны кык Катоныскӧд - весь кад воштыны. Бандера муснысӧ сэтшӧма зыртӧ кӧ нин. "Пурталасны жӧ тэнӧ бур йӧзыс, абу миян дор да, - Лы Туныс ышловзис. - Коді сэсся и коми кыв кыпӧдны кутас"... Но мый, мися, коляс сэки сӧмын мӧд КНР восьтыны, Из таладорас... Рытнас кык друг пасйисны сизь кулан лун...
Медгажа юӧр: бара уджалам кыкӧн. Ёртӧй корректируйтіс видеоурокнымӧс да лӧсьӧдіс мари гижанног модуль. Сэсся пӧ колӧ лӧсьӧдны и комисӧ. Аскисянь, колӧкӧ, лоӧ пуксьыны. Талун чукӧрті лэдзӧсъясысь (переносъясысь) эмпирика. Окота вӧлі стӧча тӧдны, кутшӧмджык принцип кивывджык пуктыны лэччӧдан автоматӧ: слогалӧмӧн либӧ морфемаясӧ юкӧмӧн. Гижи став переноса кыв некымын нигаысь. Результатыс татшӧм: 1000 слогасьӧм : 44 морфемаасьӧм. Гӧгӧрвоана, мый лэччӧдны кывъястӧ кості кутам слогвыв принцип серти.
Выльысь уджалам Ондреыскӧд да, бара нимкодяся ёртӧйлӧн ёсь интеллектнас. Буретш юрӧ воис зэв аслыспӧлӧс орччаӧдӧм. Быдлунъя пасйӧдъяс вӧчигӧн ме аслам литературщинаӧн быттьӧкӧ доктор Ватсон, а Ондре аслас дедуктив методъясӧн да кӧдзыд вежӧрнас - збыльвывса Холмс. Кор сійӧ уджалан руа дерт... Мунас кӧ татысь пыр кежлӧ, ӧдвакӧ сы тӧдӧмлунъяса да сы мывкыда мӧд инженер петкӧдчас сэсся коми кыв дораным...
Пажнайтны талун корисны Надяа-Кирилла, менам важъя ёртъяс. Локті Сюръяас, а сэні накӧд Толя Микулай. Перво эг и тӧд сійӧс, аддзысьлім ӧтчыд ли кыкысь чукӧртчылӧмъясын. Мортыс дас воысь дыр велӧдчылӧма суйӧр сайын да неважӧн лоӧма философия докторӧн Эстмуын. Ӧні бӧр локтіс чужанінӧ да корсьӧ удж. Мед вужъясьӧ жӧ татчӧ, а то воштам Лади Миколӧс моз. Кори том туялысьӧс миянкӧд тшӧтш коми кывтӧ кыпӧдны. Кытчӧдз зумыд уджаланін оз сюр миянлы мися отсасьышт. Петкӧдлі мыйджык вӧчам. Кӧсйис думайтыштны.
А Кириллъяс век на кореясьӧны. Менӧ, шуам, сӧмын кореяса ногӧн нимтӧны. Коркӧ кореяночкаӧс Надьыд вайӧдліс миянӧ да, нывкаыс сэсся асланыс этнография журналас йӧзӧдӧма гижӧд миян удж йылысь. Статьяыс дерт кореяса кыв вылын да Арсятӧ сэн ыждӧдлӧны Лав Бакса (Велӧдысь Лав, миян ногӧн кӧ). Со и сералӧны ёртъясӧй сэсся. Надяяскӧд век гажа. Кужӧны жӧ шмонитны. Больгыштім ӧттор-мӧдтор йылысь, кодсюрӧясӧс гарыштім и. Но, коми йӧзыд шмоньтӧ озджык гӧгӧрвоны да, сійӧн чӧв усьла татчӧ...
Луннас Катя Коваль, коді тай вӧчӧ "Войвыв кодзувлы" уна вося юриндалысь, весьӧпӧртмӧн юӧртіс: плешкаӧй пӧ воши, и став 1960ʼ воясыд бырины лы ни ку... Сідзсӧ пызан вылас пӧ куйлӧма тӧрыт. Талун пӧ локті уджавнытӧ - абу! Ичӧтик пӧ лача, плешкаыс кӧ тӧрыт сьӧрсьым босьтсьӧма да кӧнкӧ гортын зептам куйлӧ. Лачаыс мися кувлӧ медбӧръянас... И тадзи, медбӧръя надеянас, олім сёр рытӧдз - вой кежлас нин сэсся Катюша гижӧма контактӧ - сюрӧма тай зепсьыс плешкаыд. Мый татчӧ шуан? Аллах акбар!
Пемдандор пыраліс Лы Тун. Ондре бара тані да, пыравтӧг оз ов. Кыкнанныс век оз ӧвсьыны кӧкӧвскӧӥ тӧждъясысь. Мися, сэтшӧма кӧ косьӧ кыскӧ - полкуйтчӧй да мунӧй донбаситчыны. А сідз шаститны печать керкаті да майшасьны босьтлытӧм Кыйкар вӧсна - мый тӧлкыс?! Пашыстъяс мися кыкнан ладорысь йӧзсӧ бырӧдӧны, а мӧскуаса да кыйывса геббельсъяс вылісянь глобальнӧй индӧд серти кык вок войтырсӧ йӧйтӧдӧны да уськӧдӧны мӧда-мӧд вылӧ. Ен мед ӧдйӧджык вакрамеш индас став кӧин чукӧр, коді му вылас йӧзсӧ пеж кипод улын кутӧ. Да тшӧтш и шакалъясӧс, вынаяс бердын вердчысьясӧс, мед кульыс ӧтиӧдз жӧ ас дорас босьтас... Но вензьыны кык Катоныскӧд - весь кад воштыны. Бандера муснысӧ сэтшӧма зыртӧ кӧ нин. "Пурталасны жӧ тэнӧ бур йӧзыс, абу миян дор да, - Лы Туныс ышловзис. - Коді сэсся и коми кыв кыпӧдны кутас"... Но мый, мися, коляс сэки сӧмын мӧд КНР восьтыны, Из таладорас... Рытнас кык друг пасйисны сизь кулан лун...
Комментариев нет:
Отправить комментарий