Олӧмыд - ворсантор

Талунъя вӧчӧмын ворсісны:

1. Ондре - уджъёрт
   
2. Марина - босс
   
3. Игушев ёрт - профессор
   
4. Кана ёрт - Doktorvater
5. Лы Тун - Кодзув кутысь.
   
6. Микулай дядь - коркӧя керкавидзысь
7. Полковник ёрт - ӧнія керкавидзысь

Вӧчӧма:

• Ондре параллельнӧя мыйкӧкертіс ас компьютерын.
• Марина мыччысьліс ӧтчыд, параяс бӧрын, казьтыштіс аскиа походъяс йылысь.
• Дасьті Лыюровлысь текстъяссӧ спеллеравны (унджык кад муніс татчӧ). Ӧльӧш Сашлысь небӧгъяссӧ ас кадӧ тексталісны Палева Надя да Шомысова Ира. Лы Тун корӧ войналы сиӧм текстъяссӧ кодзулӧдны локтан во майся номерын.
• Регистрируйтім Игушев ёртӧс Овлуса конференция котырӧ (дед-лайнсӧ вештӧмаӧсь йирым 13ʼ лунӧдз да).
• Кана ёрткӧд корсьыштім базаысь ӧткымын кыв: бурзу, роталь, кыргыз, чуваш. Сэсся копируйті авторыслы "Сипсиксӧ" да "Перым-коми гижӧд кывсӧ" пдфкаяснас. 
• Микулай дядь вайис вируссялӧм ноут. Ондре рытывбыд весасис.
• Рӧмдігӧн Лы Тун, Ондре да Микулай дядь кодрыштлісны кулӧм сизьӧс.
• Сійӧ жӧ кадӧ сканералі Ӧльӧш Ваньлысь 1958ʼ да 1979ʼ вося небӧгъяссӧ, Серга Ӧльӧлысь 1999ʼ вося небӧгсӧ. Сэсся пелькӧді сканъяссӧ.
• Вой кежлӧ тексталі Скӧрӧдумса да Гамса нывъяслысь 2011ʼ вося нигаяссӧ и мичмӧді Тувсовъялысь викиса листбок паруса портретӧн.
• Полковник ёрт миянӧс лунтыр видзис шогысь да лёкысь.