Пекничаыс вӧлі кӧдзыд да шондітӧм. Рытладор зэрмис да сэсся и буситіс дугдывтӧг. Карса кыдзьяс пӧшти кортӧмӧсь нин. Пелысь розъяс вир войтъяс моз ӧшалӧны. Оз нин синтӧ шонтыны.
Уджалан лунӧй вӧлі кызвыйӧ сиӧма спеллерса лексическӧй базалы. Колян ӧшымсянь эг сэтысь нинӧм вежлы. Талун шуи содтавны кывъястӧ. Ондре ёна тшӧктӧ да. Юля да Наташ, менам мӧймуся зіль практикантъяс, рака дырйи на спеллералісны Педь Геньлысь кык томсӧ да чукӧртісны сы гижӧдъясысь аслыспӧлӧс лексика. Талун тайӧ кывворсӧ и индексируйті. Сэсся аслам блогйысь компьютерса терминология да сера кывъясӧс нэммӧді жӧ. Луныс и сёйсис.
Ӧтчыд ли кыкысь сӧмын уджысь орӧдчывлі. Первой лои кайлыны нёльӧд судтаӧдз Катюша дорӧ. Тӧрыт вой кежлӧ, вошлӧм плешкаыс сюри да, сійӧ ыстіс меным 1960ʼ воясся "Войвыв кодзув" кузя юриндалысьсӧ. Талун пӧся аттьӧалі нывкасӧ да ышӧді водзӧ мыркны тайӧ сьӧкыд и колана уджсӧ. Аски босьтча редактируйтны вӧчӧмсӧ.
Мӧдысь нёльӧд судтаӧдз жӧ кайлі: нуи бикиньсаяслы важӧн ни кӧсйылӧм лыддьӧгъяс. Коркӧ тай керлі аслым Висер Ӧль аслыспӧлӧслунъяс кузя пасйӧдъяс, ӧні авторыслы сеті найӧс. Ӧти сайын, Ӧльяс лэччылӧмаӧсь талун миян джоджулӧ, кӧні тай видзӧны инавтӧм на коми небӧгъяс. Шуӧны, унатор пӧ баксялӧма да льӧльзьӧма. Некутшӧм арттӧг видзӧны пӧ сэні. Меным тшӧтш кӧсйыссьӧ юавны республикаса юралысьяслысь, мыйла оз воштыны войтыр син водзӧдз коми небӧгсӧ? Мыйла сэк и лэдзнысӧ, тиражсьыс тӧдчана пайсӧ кӧ сэсся бырӧданныд...
Тайӧ перналуныс Печать керка историяын тӧдчана медводз сійӧн, мый талун петіс отпускысь Закар Ванькалӧн пи Ӧльӧш. Тайӧ миян керкавидзысь. Коми морт. Татчӧс вахтёръяс пиысь медся сибыд да варов. Рытнас ёна и висьтасис, кыдзи немуйтіс тӧлысьӧн-джынйӧн шойччигмозыс. Ӧльӧшыс межадорса, меысь вит воӧн томджык. Важысянь олӧ карын гӧтыра-котыра, ас керкаын. Регыд гашкӧ выльлаӧ вуджас. А сідзсӧ гортас быдсикас пемӧс сылӧн эм: некымын каня-понмаӧс кындзи нӧшта и попугай видзӧ. Попугайыс пӧ зэв сюсь. Кор каньяс кутасны мӧда-мӧдныскӧд тышкасьны, сэтчӧ пӧ и кошкиасяс: "Кошки, ай-ай-ай"... Ӧльӧшыслӧн зэв бур сыктывса сёрни. Ме велалі сы серти велӧдны шӧрсыктывса диалект. Мукӧддырйи сэтшӧм кывъяс сюрӧны, ньӧти кывкудйын абу - важын ни выльын.
А аски бара удж...
Ӧтчыд ли кыкысь сӧмын уджысь орӧдчывлі. Первой лои кайлыны нёльӧд судтаӧдз Катюша дорӧ. Тӧрыт вой кежлӧ, вошлӧм плешкаыс сюри да, сійӧ ыстіс меным 1960ʼ воясся "Войвыв кодзув" кузя юриндалысьсӧ. Талун пӧся аттьӧалі нывкасӧ да ышӧді водзӧ мыркны тайӧ сьӧкыд и колана уджсӧ. Аски босьтча редактируйтны вӧчӧмсӧ.
Мӧдысь нёльӧд судтаӧдз жӧ кайлі: нуи бикиньсаяслы важӧн ни кӧсйылӧм лыддьӧгъяс. Коркӧ тай керлі аслым Висер Ӧль аслыспӧлӧслунъяс кузя пасйӧдъяс, ӧні авторыслы сеті найӧс. Ӧти сайын, Ӧльяс лэччылӧмаӧсь талун миян джоджулӧ, кӧні тай видзӧны инавтӧм на коми небӧгъяс. Шуӧны, унатор пӧ баксялӧма да льӧльзьӧма. Некутшӧм арттӧг видзӧны пӧ сэні. Меным тшӧтш кӧсйыссьӧ юавны республикаса юралысьяслысь, мыйла оз воштыны войтыр син водзӧдз коми небӧгсӧ? Мыйла сэк и лэдзнысӧ, тиражсьыс тӧдчана пайсӧ кӧ сэсся бырӧданныд...
Тайӧ перналуныс Печать керка историяын тӧдчана медводз сійӧн, мый талун петіс отпускысь Закар Ванькалӧн пи Ӧльӧш. Тайӧ миян керкавидзысь. Коми морт. Татчӧс вахтёръяс пиысь медся сибыд да варов. Рытнас ёна и висьтасис, кыдзи немуйтіс тӧлысьӧн-джынйӧн шойччигмозыс. Ӧльӧшыс межадорса, меысь вит воӧн томджык. Важысянь олӧ карын гӧтыра-котыра, ас керкаын. Регыд гашкӧ выльлаӧ вуджас. А сідзсӧ гортас быдсикас пемӧс сылӧн эм: некымын каня-понмаӧс кындзи нӧшта и попугай видзӧ. Попугайыс пӧ зэв сюсь. Кор каньяс кутасны мӧда-мӧдныскӧд тышкасьны, сэтчӧ пӧ и кошкиасяс: "Кошки, ай-ай-ай"... Ӧльӧшыслӧн зэв бур сыктывса сёрни. Ме велалі сы серти велӧдны шӧрсыктывса диалект. Мукӧддырйи сэтшӧм кывъяс сюрӧны, ньӧти кывкудйын абу - важын ни выльын.
А аски бара удж...
Комментариев нет:
Отправить комментарий