Сьӧд ар. Тӧрыт эськӧ медводдзаысь лымъялыштӧма-а, абу на едждӧдӧма мусӧ. Ачым, бара, эг и аддзыв лым чиръястӧ, компьютер водзын уджалігмоз унатор тай кольӧ син саяд... Войнас бӧр гортӧ локтігам нинӧм сэтшӧмсӧ эг жӧ казяв. Пемыдсьыс, кок ув васьыс да чизыр тӧвсьыс кындзи ог тӧд нинӧм. Вой шӧр войын лои на ноксьыштны кӧзяйка ноутӧн. Воді узьны куим бӧрын нин да регыд и унмӧ уси .
Талун, майбыр, субӧта. Садьмыссьӧма сёр. Кыла, роч радиоысь лыддьӧны выльторъяс. И медводдза юӧрыс - талун пӧ Курбан-байрам. Мӧскуаын пӧ муслимана праздникысла потшӧма ӧткымын туй. Но, мися, Рочистан оз дугды дзоридзалӧмысь. Сэсся, сюръялань восьлалігӧн нин, бара на гӧгӧрвои, миян тані Европа на... Кызвыйӧ...
Паст-Пудын выльмӧдӧны кадръяснысӧ. Талун бара выль нывка сёянсӧ сеталӧ. Кык вежон сайын медасьӧмаыс, Катя, миянӧс бура тӧдӧ нин. Колӧкӧ сӧмын ми Ондрекӧд тайӧ вердчанінын медзумыд элементъяс.
Лун шӧр бӧрын, ывлаыд гудыр да, шуи ветлыны Дзарла небӧгаинӧ, кӧні менӧ пӧ век виччысьӧны. "Дзарсьыд" кындзи, сюри и "Луннебӧг", и весиг "Мукӧд енкӧла". Вӧлӧмкӧ тайӧ карын нӧшта выйим ас нигаа том автор - Нефедова Юля. Луннебӧгъястӧ гижӧ да, со мися кодлы колӧ вӧзйыны блогсӧ восьтыны - прозаик мортлы.
Субӧтничайті ударнӧя. Наваль спеллералі Попов Ӧльӧшлысь висьтъяс да повесьтъяс. Сюри 150-ыс унджык выль кыв да кык сымда орфографияса вариант. Ачыс гижысьыс контактын пукалӧ да, рытывбыд и контактируйті сыкӧд став гӧгӧрвотӧмтор кузя. Майбыр анализируйтны текстъястӧ, кор позьӧ веськыда юасьны авторсьыс быдтор йылысь.
Уджъёртӧй лунтыр ноксис тываа-роча кывкуднас. Ӧти кызылсалы отсасьӧ да. Кывкудсӧ пелькӧдігтырйи бара казялім, тюрок кывъясыд тай збыльвылассӧ ӧти кывлӧн диалектъяс. Весиг миянлы, тотаралысь сёрнисӧ гӧгӧрвоыштысьяслы, пӧшти ставыс и тыва кывкудсьыд вӧлі вежӧртана.
Вой кежлас сканералі луннас библиотекасьыд босьтлӧм нигаяс. Луннебӧгсӧ текставны удиті и. Ёнасӧ оз и диалектась Юляыд, мукӧдыс моз...
Коркӧ колӧ и "Ву" бердӧ кутчысьны. Сэсся Куим Ю Ленасӧ дзерӧдышта: "Вутӧ", шуа, лэдзим нин, "Ытӧ" мыйкӧкертӧны жӧ. Сідзкӧ кык юыд чунь костӧд визувтӧмаӧсь - бӧр он курав. И кольӧ блогыдлы сӧмын ӧти ним - "Ку?" *
* Ку - уд. ʼкор, кутшӧм кадӧ?ʼ.
Талун, майбыр, субӧта. Садьмыссьӧма сёр. Кыла, роч радиоысь лыддьӧны выльторъяс. И медводдза юӧрыс - талун пӧ Курбан-байрам. Мӧскуаын пӧ муслимана праздникысла потшӧма ӧткымын туй. Но, мися, Рочистан оз дугды дзоридзалӧмысь. Сэсся, сюръялань восьлалігӧн нин, бара на гӧгӧрвои, миян тані Европа на... Кызвыйӧ...
Паст-Пудын выльмӧдӧны кадръяснысӧ. Талун бара выль нывка сёянсӧ сеталӧ. Кык вежон сайын медасьӧмаыс, Катя, миянӧс бура тӧдӧ нин. Колӧкӧ сӧмын ми Ондрекӧд тайӧ вердчанінын медзумыд элементъяс.
Лун шӧр бӧрын, ывлаыд гудыр да, шуи ветлыны Дзарла небӧгаинӧ, кӧні менӧ пӧ век виччысьӧны. "Дзарсьыд" кындзи, сюри и "Луннебӧг", и весиг "Мукӧд енкӧла". Вӧлӧмкӧ тайӧ карын нӧшта выйим ас нигаа том автор - Нефедова Юля. Луннебӧгъястӧ гижӧ да, со мися кодлы колӧ вӧзйыны блогсӧ восьтыны - прозаик мортлы.
Субӧтничайті ударнӧя. Наваль спеллералі Попов Ӧльӧшлысь висьтъяс да повесьтъяс. Сюри 150-ыс унджык выль кыв да кык сымда орфографияса вариант. Ачыс гижысьыс контактын пукалӧ да, рытывбыд и контактируйті сыкӧд став гӧгӧрвотӧмтор кузя. Майбыр анализируйтны текстъястӧ, кор позьӧ веськыда юасьны авторсьыс быдтор йылысь.
Уджъёртӧй лунтыр ноксис тываа-роча кывкуднас. Ӧти кызылсалы отсасьӧ да. Кывкудсӧ пелькӧдігтырйи бара казялім, тюрок кывъясыд тай збыльвылассӧ ӧти кывлӧн диалектъяс. Весиг миянлы, тотаралысь сёрнисӧ гӧгӧрвоыштысьяслы, пӧшти ставыс и тыва кывкудсьыд вӧлі вежӧртана.
Вой кежлас сканералі луннас библиотекасьыд босьтлӧм нигаяс. Луннебӧгсӧ текставны удиті и. Ёнасӧ оз и диалектась Юляыд, мукӧдыс моз...
Коркӧ колӧ и "Ву" бердӧ кутчысьны. Сэсся Куим Ю Ленасӧ дзерӧдышта: "Вутӧ", шуа, лэдзим нин, "Ытӧ" мыйкӧкертӧны жӧ. Сідзкӧ кык юыд чунь костӧд визувтӧмаӧсь - бӧр он курав. И кольӧ блогыдлы сӧмын ӧти ним - "Ку?" *
* Ку - уд. ʼкор, кутшӧм кадӧ?ʼ.
Комментариев нет:
Отправить комментарий