Выль арся рыт. Ывлаыс важӧн кодь нин пемдӧма. Кӧдзыд. Вой тӧв да. Ӧтнам коли неважӧн на йӧза печать керкаӧ. Чуналан лӧнь. Керка видзысьыд коръя нин вӧтасьӧ. А ме со век на дзорга талунъя олӧмӧ да видла мыйкӧ лӧсьӧдны лунся пасйӧдъяс сямаӧс.
Лэбзьӧ тай кадыс пӧткаӧн, чери моз пыдӧстӧм джумйӧ лэччӧ... Со кӧч джын нин кольӧма. Кӧин-кадыд и коляссӧ регыд ньылыштас - ог и казялӧй. Ӧні нин йирмӧг босьтӧ, а мый лоас йирым тӧлысяс? Ог нин шу вӧльгымъястӧ да ӧшымъястӧ. Помланяс нин воыс! Воӧдчам кӧ-а? Гӧгӧр войнаяс, лӧглун... "Миян му вылӧ сьӧд вой..." - сэк и локтӧ юрад Ӧльӧш Ваньыслӧн тайӧ кывбурыс.
Но ми долыдпырысь уджалам. Векӧвечнӧй оптимистъяс. Талун сунгысьлі переносъясӧ. Небӧг лэдзысь Микулай коркӧ корлӧма да, корсям, кыдзи позьӧ коми правилӧяс серти автоматӧн торйӧдавны кывтӧ. Колӧ кӧ быттьӧ сійӧс кості лэччӧдны мӧд визьӧ. Принципсӧ гӧгӧрвои: лиш кӧ пасъян (1, 2 с.в.) - шыпас чукӧрыс юксьӧ: му1ні, тшӧт кӧ пуктан (2, 4 с.в.) - оз: му2ӧ. Татшӧм дзебӧм тӧдӧмлунъястӧ видзӧ вӧлӧм Лян-Кнут алгоритм.
Муртса на босьтчи уджӧ, бара выль падмӧд. Вӧлі нин ӧнтай шуӧма лэччӧдны сідзи, кыдзи слогалам кывтӧ: офице-рыс. Но талун виччысьтӧг ыдъялысьяс петісны, тшӧтш и миян юралысьным. Мыйла пӧ р-тӧ вужйысь торйӧдан? Колӧ пӧ морфемасӧ пуктыны пыдди да лэччӧдны ӧпичертӧ тадзи: офицер-ыс. Мӧд ног шуны, став индӧдъясыс, мый вӧлі пуктӧма миян системаӧ, тадзикӧн киссьӧны. Лоӧ мӧдысь сійӧ жӧ майшӧг видлавны. Ковмас гашкӧ и выльысь йӧз дорӧ шыӧдчыны.
Тайӧ жӧ маета сорӧн ковмис луннас нырӧс сюйны и миян орфографияса базаӧ. Эг кыйкнитлы сэтчӧ кольӧм ӧшымсянь нин. Выль синмӧн кывкудсӧ видзӧді да, уна и тырмытӧмтор сюри - уджыс сэні юр выв тыр. Таво унджыксӧ коми текстъястӧ корпусӧ чукӧрта, а кывкуд базаыс меысь шойччӧ. Некод сійӧс и чуньнас эз вӧрӧд: эз тшык ни эз бурмы. А тайӧ ӧд коми войтырлӧн озырлун. Сійӧс ӧтарӧ тыртны да стӧчмӧдны колӧ. Став коми филологлы эськӧ сійӧс сӧвмӧдӧмӧ пырӧдчыны... Кадыс тай кольӧ, и кольӧ весьшӧрӧ. Оз коми вылӧ уджав и.
Талун лои бара ыззьӧдыштны миян коми блогйысьясӧс. Кыкыс отпускасьӧны да, он и су. А карсаяс нӧ мый? Куим юыс оз визувтны. Нюрзисны ли мый первойсяньыс жӧ? Коми кывбуръяс вывті гежӧда юргыштӧны. А Тувсовъяыд оз кӧ тӧв пуксьытӧдз арся тӧждъяснас ноксьыны кӧсйы?.. Вӧрӧдышті куимнаннысӧ - ог тӧд, кодкӧ зільмас оз... Микол Ӧльӧшыд тай ас кежысь гижӧ-а. Некутшӧм торъя ышӧд оз ков.
Ондре лунтыр дасьтіс техникаса подув коми локализация могысь. Ӧттшӧтш оптимизируйтіс ноут миян выль уджалысьлы. Ме тшӧтш петкӧдлі-висьталі нывкалы ӧттор-мӧдторсӧ, мыйджык да кыдзджык уджалам...
Рытнас ветлі Маршак небӧгаинӧдз - нуи нигаяс да мый. Зарни Люся юасис перым коми ворсӧмъяс йылысь. Кутшӧмкӧ брошюра дасьтӧ да. Коми Республикаса уна сикас войтыръяс кузя. Мися ог тӧд. Сідзкӧ пӧ тэ абу и коми морт. А Перым карса да, кытысь нӧ сиктса ворсӧмъястӧ тӧда??? Коми кыв мися колӧ тӧдны, карын кӧть сиктын чужин. А ворсӧмъясыд ӧні унджыксӧ компьютерынӧсь да...
Лэбзьӧ тай кадыс пӧткаӧн, чери моз пыдӧстӧм джумйӧ лэччӧ... Со кӧч джын нин кольӧма. Кӧин-кадыд и коляссӧ регыд ньылыштас - ог и казялӧй. Ӧні нин йирмӧг босьтӧ, а мый лоас йирым тӧлысяс? Ог нин шу вӧльгымъястӧ да ӧшымъястӧ. Помланяс нин воыс! Воӧдчам кӧ-а? Гӧгӧр войнаяс, лӧглун... "Миян му вылӧ сьӧд вой..." - сэк и локтӧ юрад Ӧльӧш Ваньыслӧн тайӧ кывбурыс.
Но ми долыдпырысь уджалам. Векӧвечнӧй оптимистъяс. Талун сунгысьлі переносъясӧ. Небӧг лэдзысь Микулай коркӧ корлӧма да, корсям, кыдзи позьӧ коми правилӧяс серти автоматӧн торйӧдавны кывтӧ. Колӧ кӧ быттьӧ сійӧс кості лэччӧдны мӧд визьӧ. Принципсӧ гӧгӧрвои: лиш кӧ пасъян (1, 2 с.в.) - шыпас чукӧрыс юксьӧ: му1ні, тшӧт кӧ пуктан (2, 4 с.в.) - оз: му2ӧ. Татшӧм дзебӧм тӧдӧмлунъястӧ видзӧ вӧлӧм Лян-Кнут алгоритм.
Муртса на босьтчи уджӧ, бара выль падмӧд. Вӧлі нин ӧнтай шуӧма лэччӧдны сідзи, кыдзи слогалам кывтӧ: офице-рыс. Но талун виччысьтӧг ыдъялысьяс петісны, тшӧтш и миян юралысьным. Мыйла пӧ р-тӧ вужйысь торйӧдан? Колӧ пӧ морфемасӧ пуктыны пыдди да лэччӧдны ӧпичертӧ тадзи: офицер-ыс. Мӧд ног шуны, став индӧдъясыс, мый вӧлі пуктӧма миян системаӧ, тадзикӧн киссьӧны. Лоӧ мӧдысь сійӧ жӧ майшӧг видлавны. Ковмас гашкӧ и выльысь йӧз дорӧ шыӧдчыны.
Тайӧ жӧ маета сорӧн ковмис луннас нырӧс сюйны и миян орфографияса базаӧ. Эг кыйкнитлы сэтчӧ кольӧм ӧшымсянь нин. Выль синмӧн кывкудсӧ видзӧді да, уна и тырмытӧмтор сюри - уджыс сэні юр выв тыр. Таво унджыксӧ коми текстъястӧ корпусӧ чукӧрта, а кывкуд базаыс меысь шойччӧ. Некод сійӧс и чуньнас эз вӧрӧд: эз тшык ни эз бурмы. А тайӧ ӧд коми войтырлӧн озырлун. Сійӧс ӧтарӧ тыртны да стӧчмӧдны колӧ. Став коми филологлы эськӧ сійӧс сӧвмӧдӧмӧ пырӧдчыны... Кадыс тай кольӧ, и кольӧ весьшӧрӧ. Оз коми вылӧ уджав и.
Талун лои бара ыззьӧдыштны миян коми блогйысьясӧс. Кыкыс отпускасьӧны да, он и су. А карсаяс нӧ мый? Куим юыс оз визувтны. Нюрзисны ли мый первойсяньыс жӧ? Коми кывбуръяс вывті гежӧда юргыштӧны. А Тувсовъяыд оз кӧ тӧв пуксьытӧдз арся тӧждъяснас ноксьыны кӧсйы?.. Вӧрӧдышті куимнаннысӧ - ог тӧд, кодкӧ зільмас оз... Микол Ӧльӧшыд тай ас кежысь гижӧ-а. Некутшӧм торъя ышӧд оз ков.
Ондре лунтыр дасьтіс техникаса подув коми локализация могысь. Ӧттшӧтш оптимизируйтіс ноут миян выль уджалысьлы. Ме тшӧтш петкӧдлі-висьталі нывкалы ӧттор-мӧдторсӧ, мыйджык да кыдзджык уджалам...
Рытнас ветлі Маршак небӧгаинӧдз - нуи нигаяс да мый. Зарни Люся юасис перым коми ворсӧмъяс йылысь. Кутшӧмкӧ брошюра дасьтӧ да. Коми Республикаса уна сикас войтыръяс кузя. Мися ог тӧд. Сідзкӧ пӧ тэ абу и коми морт. А Перым карса да, кытысь нӧ сиктса ворсӧмъястӧ тӧда??? Коми кыв мися колӧ тӧдны, карын кӧть сиктын чужин. А ворсӧмъясыд ӧні унджыксӧ компьютерынӧсь да...
Вой кежлӧ бур пӧт сканируйтчи да лӧсьӧді сканъястӧ...
Комментариев нет:
Отправить комментарий