Кадыс жаль тӧдтӧг матыстчӧ вой шӧрлань, а Арсяыд некыдз оз вермы чукӧртны визъялысь мӧвпъяссӧ, медым юӧртны urbi et orbi талунъя лоӧмторъяс йылысь. Вӧліны кӧ быттьӧ найӧ.
Но да, пӧчӧ гожӧм. Медбӧръя лун. Асывнас и лунтыр. А рытнас зэрмис нин, но шоныдыс эз ям. Гортас локтігам кажитчис, быттьӧ восьлала Гёттингенса туйясті, карсӧ тай мӧд Лондонӧн шуӧны да. Гылалӧм и вазьӧм кор дук, небыдик тӧвру, уль сынӧд, пӧнаръяслӧн пӧртмасян би, гажмыштӧм йӧзлӧн сёр вуджӧръяс. Пыді войнас гортлань вешйигад войтыртӧ онджык и аддзы нин. А ӧні, 22 час водзвылын, зіля на вӧрӧны карса олысьясыд. Лавкаяс игнасян выйынӧсь на и.
Пекнича да, дженьыд лун - вахтёрыс асывнас локтігам нин видчис - бара сёр мунан? Тӧрыт кык часӧ коли офис да. Талун вешті ассьым мыжӧс, петі Печать керкаысь 21.30. Мед бур мортыс узьӧ, мыйла сылысь ун торкны. Ставлы колӧ шойччыны. Таысь кындзи, today is пекнича, либӧ, кыдзи шуліс менам немеч пропессор - Frei-tag, мезд-лун. Ставсӧ тайӧс лыдӧ босьтӧмӧн и пышйи уджаланінысь вӧвлытӧма водз.
Талунъя уджсьым сідз и этадз водзӧсыс этша. Менам кӧзяйкаӧй, кӧні тай патеруйта, велаліс артавны сьӧкыд лунъяс да быд пӧлӧс олан циклъяс. Сы артыштӧм серти, ӧні менам сьӧд фаза. И ме верма сӧмын кывйӧ сетчыны, збыль тадзи и выйим. Кор ӧти лунӧн верман вӧчны сӧмын 1/10 сыысь, мый сямман вӧчны ловъяджык дырйи, эскан, мый олам ми сӧмын тайӧ часъясӧ, кор миян циклъяс медся йылынӧсь...
Позитивысь талун позьӧ казьтыштны КНЦ-са уджъёрт Вань Наташкӧд виччысьтӧг аддзысьлӧм, люкасим Сюръя ӧдзӧсын. Менам пажнайтсьӧма нин вӧлі, сійӧ мӧдӧ на. Мортыс шойччис бурпӧт да тырвыйӧ дась босьтчыны туялан уджӧ. Овлуса конференцияӧ пасйысьӧма нин. А ме век на нюжмася. Весиг суйӧрсайса паспорттӧг ола. КТСШ-са уджъёртъясӧй дугдывтӧг тшӧктӧны сійӧс вӧчӧдны, а ог тай.
Локтан во менӧ пӧ виччысьӧ кык тусовка суйӧр сайын. Ӧтиыс Новегмуын, Тромсё карас, лоас тӧвшӧрын. Сэні кутасны сёрнитны компьютер дорса лингвистика йылысь. А мӧд соборуйтӧмыс - финно-угристъяслӧн конференция Овлу карын, Финмуад. Сійӧс чукӧртӧны кӧнкӧ гожӧмнас. Кыкнан чукӧртчылӧмӧ Арсялы мунны быть. Да нӧшта и ижкарса Пермистикасӧ посетитны лоӧ. Сійӧ таво нин, йирым помас. А ме со ӧнӧдз на эг шыӧдчы котыртысьяс дорӧ, локта ли, ог ли. И аслым гӧгӧрвотӧм, колӧ оз. Окота дерт ветлыны Удмуӧ, петкӧдлыны сэтчӧс ёртъяслы, кыдзи уджалӧны миян программаяс. Ӧд тӧдчымӧн кокниджык уджныс лоас... Но со весиг Сыктывкарын оз на вӧдитчыны туялысьясыд миян вӧчӧмторъясӧн. Кӧть мыйтаысь нин на дорӧ шыӧдчылі...
Воліс Йӧлгинь. Сёрнитлім Кӧжмудорса Оля йылысь. Таво енбиа нывка помаліс вузсӧ. Зэв вежӧра мортыд, интеллектыс - миянлы и не вӧтасьны. Но со сёрмӧма шыӧдчыны аспирантураӧ, вывті авъя да. Мыйла нӧ сэтшӧм югыд юрлы весьшӧрӧ вошны? Мыйла миянлы та джуджда коми вемтӧ воштыны? Гашкӧ кӧть сэсся соискателявны босьтчас-а. Том на да, оз жӧ кут Арся моз ыті-катіасьны... Регыд и дорйысяс. КНЦ-чияслысь татшӧм бур мӧвп позьӧ сӧмын ошкыны. Нӧшта и спонсорӧс эськӧ аддзасны...
Ветлі талун тшӧтш и Маршак небӧгаинӧ. Татчӧ колӧ гарыштны, мый тайӧ библиотекаса юралысьяс чорыда шуисны огӧй, кор ми вӧзйим налы ӧтув уджавны коми кыв компьютермӧдан уджын. Налӧн тай тыр небӧг вӧлі сканируйтӧма нин да, мися мыйла сійӧ жӧ уджсӧ мӧдысь вӧчны, корам налысь дай, ассьыным налы колям и.... А эз тай сетны! Ті пӧ, мисьтӧм бугыльяс, ыджыдысь-ыджыд грант босьтӧмныд да некодкӧд онӧ кӧсйӧй юксьыны... Гырысь йӧзыс тайӧ карас, унджыксӧ власьт бердсаӧсь, мыйлакӧ дзик йӧймӧмась грантъясысь. Медым йӧзыс куш удждон выв олігмоз азыма зілисны, ыджыдтор мыркисны, талы чинаяс эскыны оз нин вермыны. Коньӧръяс. Бурдӧдчыны налы колӧ. Ставӧн кӧнкӧ сӧвет дырся челядь вӧліны, эз кӧ пионеръясӧ, октябрятаӧ нин стӧча гижсьылісны. Мый сэтшӧм бур, а мый сэтшӧм лёк, тӧдӧны жӧ. И ставсӧ тайӧс тальны муас!
А со нывъяс, сійӧ жӧ небӧгаинас ас му юкӧнса нига видзысьяс, эз кутны вышитчыны, гожӧмбыд отсалісны меным. Тшӧтш и вель уна коми небӧг босьтлі налысь сканералӧм могысь. Талун ӧти нылыс, Маша, мунӧ вӧлі дыр кежлӧ шойччыны. Мися пырала кӧть кампетӧн аттьӧала ли мый ли. Но локтыссьӧма сёр нин. Пышйӧма нин нывкаыд гортӧ. Коли козинъяс Зарни Люсялы, ас му юкӧнса веськӧдлысьлы. Сэсся гашкӧ и Машаыдлы сетасны, волас кӧ на матысса кадӧ. Мед Машукыслӧн ставыс артмас, кыдзи шуласны: шуд да бур том олӧмас!
Зарни Люсяыд отпускасьны жӧ мӧдӧ выльлунсянь. Юралысьяс пӧ пӧдтӧны ковтӧм кабала нартӧн да, ковмас и шойччӧг дырйи волыны удж вылӧ. Зэв пессимист руа лои Люсяыд ӧні. Сійӧ тшӧтш кывбуралысь. Изьватас кыв кыпӧдысь и. Меным сідзсӧ оз кажитчы, кор зільӧны коми кывтӧ торйӧдны. Но мый татчӧ шуан. Быдыслы ас пельӧсыс дона. Кольӧ сӧмын югдӧдны войтыртӧ, гӧгӧрвоӧдны, мыйла миянлы колӧ ӧтувъя кывным...
Шонді катовтіс нин енэжтаслань, кор Первомай туй дорас вочаасим, бара виччысьтӧг, Вит Сергиевскӧйкӧд. Сё во эг аддзысьлӧй. Витыд - нималана сыктывкарса дзарпасалысь (фотограф) да коми культура кыпӧдысь. Нульӧд воясӧ на лӧсьӧдӧма "Нэмӧвӧй коми культура" сайт да тадзикӧн ӧтуввез пыр медводдзаӧн петкӧдліс коми ловвывса озырлунсӧ му сяр пасьтала тыдавмӧн. Ӧнісӧ пӧ кадыс коми вылӧ озджык коль, дзарпасалӧмыс бӧр кыскыны кутіс морттӧ. Варовитлім да, юӧртіс: плёнка вылӧ пӧ бӧр вуджа. Эм пӧ аслас плюсъяс лыдпаса фото дорысь, рӧмыс, шуам, уна пӧв пыдіджык артмӧ. Архаикалӧн гуся выныс ыштӧдӧ и...
Рытнас меным отсалысьяс пиысь ӧти, Вомынса Влад, вайис уджсӧ. Сійӧ тексталӧ Митрук Якӧс. Талун помаліс воддза версия "Изьва гызьӧ". Зэв ӧдйӧ лыддьӧ и буракодь казялӧ текстысь тырмытӧмторъяс. Ёна визув да зіль зон. Гижӧ диссер коми история кузя, ворсӧ коми спеттакъясын да нӧшта и коми кыв сӧвмӧдны отсалӧ. Мыйла нӧ этшаӧн комияс пӧвстын татшӧм зіль йӧзыс? Али кӧнкӧ тыр эмӧсь да син водзам озджык петкӧдчыны?
Но да, пӧчӧ гожӧм. Медбӧръя лун. Асывнас и лунтыр. А рытнас зэрмис нин, но шоныдыс эз ям. Гортас локтігам кажитчис, быттьӧ восьлала Гёттингенса туйясті, карсӧ тай мӧд Лондонӧн шуӧны да. Гылалӧм и вазьӧм кор дук, небыдик тӧвру, уль сынӧд, пӧнаръяслӧн пӧртмасян би, гажмыштӧм йӧзлӧн сёр вуджӧръяс. Пыді войнас гортлань вешйигад войтыртӧ онджык и аддзы нин. А ӧні, 22 час водзвылын, зіля на вӧрӧны карса олысьясыд. Лавкаяс игнасян выйынӧсь на и.
Пекнича да, дженьыд лун - вахтёрыс асывнас локтігам нин видчис - бара сёр мунан? Тӧрыт кык часӧ коли офис да. Талун вешті ассьым мыжӧс, петі Печать керкаысь 21.30. Мед бур мортыс узьӧ, мыйла сылысь ун торкны. Ставлы колӧ шойччыны. Таысь кындзи, today is пекнича, либӧ, кыдзи шуліс менам немеч пропессор - Frei-tag, мезд-лун. Ставсӧ тайӧс лыдӧ босьтӧмӧн и пышйи уджаланінысь вӧвлытӧма водз.
Талунъя уджсьым сідз и этадз водзӧсыс этша. Менам кӧзяйкаӧй, кӧні тай патеруйта, велаліс артавны сьӧкыд лунъяс да быд пӧлӧс олан циклъяс. Сы артыштӧм серти, ӧні менам сьӧд фаза. И ме верма сӧмын кывйӧ сетчыны, збыль тадзи и выйим. Кор ӧти лунӧн верман вӧчны сӧмын 1/10 сыысь, мый сямман вӧчны ловъяджык дырйи, эскан, мый олам ми сӧмын тайӧ часъясӧ, кор миян циклъяс медся йылынӧсь...
Позитивысь талун позьӧ казьтыштны КНЦ-са уджъёрт Вань Наташкӧд виччысьтӧг аддзысьлӧм, люкасим Сюръя ӧдзӧсын. Менам пажнайтсьӧма нин вӧлі, сійӧ мӧдӧ на. Мортыс шойччис бурпӧт да тырвыйӧ дась босьтчыны туялан уджӧ. Овлуса конференцияӧ пасйысьӧма нин. А ме век на нюжмася. Весиг суйӧрсайса паспорттӧг ола. КТСШ-са уджъёртъясӧй дугдывтӧг тшӧктӧны сійӧс вӧчӧдны, а ог тай.
Локтан во менӧ пӧ виччысьӧ кык тусовка суйӧр сайын. Ӧтиыс Новегмуын, Тромсё карас, лоас тӧвшӧрын. Сэні кутасны сёрнитны компьютер дорса лингвистика йылысь. А мӧд соборуйтӧмыс - финно-угристъяслӧн конференция Овлу карын, Финмуад. Сійӧс чукӧртӧны кӧнкӧ гожӧмнас. Кыкнан чукӧртчылӧмӧ Арсялы мунны быть. Да нӧшта и ижкарса Пермистикасӧ посетитны лоӧ. Сійӧ таво нин, йирым помас. А ме со ӧнӧдз на эг шыӧдчы котыртысьяс дорӧ, локта ли, ог ли. И аслым гӧгӧрвотӧм, колӧ оз. Окота дерт ветлыны Удмуӧ, петкӧдлыны сэтчӧс ёртъяслы, кыдзи уджалӧны миян программаяс. Ӧд тӧдчымӧн кокниджык уджныс лоас... Но со весиг Сыктывкарын оз на вӧдитчыны туялысьясыд миян вӧчӧмторъясӧн. Кӧть мыйтаысь нин на дорӧ шыӧдчылі...
Воліс Йӧлгинь. Сёрнитлім Кӧжмудорса Оля йылысь. Таво енбиа нывка помаліс вузсӧ. Зэв вежӧра мортыд, интеллектыс - миянлы и не вӧтасьны. Но со сёрмӧма шыӧдчыны аспирантураӧ, вывті авъя да. Мыйла нӧ сэтшӧм югыд юрлы весьшӧрӧ вошны? Мыйла миянлы та джуджда коми вемтӧ воштыны? Гашкӧ кӧть сэсся соискателявны босьтчас-а. Том на да, оз жӧ кут Арся моз ыті-катіасьны... Регыд и дорйысяс. КНЦ-чияслысь татшӧм бур мӧвп позьӧ сӧмын ошкыны. Нӧшта и спонсорӧс эськӧ аддзасны...
Ветлі талун тшӧтш и Маршак небӧгаинӧ. Татчӧ колӧ гарыштны, мый тайӧ библиотекаса юралысьяс чорыда шуисны огӧй, кор ми вӧзйим налы ӧтув уджавны коми кыв компьютермӧдан уджын. Налӧн тай тыр небӧг вӧлі сканируйтӧма нин да, мися мыйла сійӧ жӧ уджсӧ мӧдысь вӧчны, корам налысь дай, ассьыным налы колям и.... А эз тай сетны! Ті пӧ, мисьтӧм бугыльяс, ыджыдысь-ыджыд грант босьтӧмныд да некодкӧд онӧ кӧсйӧй юксьыны... Гырысь йӧзыс тайӧ карас, унджыксӧ власьт бердсаӧсь, мыйлакӧ дзик йӧймӧмась грантъясысь. Медым йӧзыс куш удждон выв олігмоз азыма зілисны, ыджыдтор мыркисны, талы чинаяс эскыны оз нин вермыны. Коньӧръяс. Бурдӧдчыны налы колӧ. Ставӧн кӧнкӧ сӧвет дырся челядь вӧліны, эз кӧ пионеръясӧ, октябрятаӧ нин стӧча гижсьылісны. Мый сэтшӧм бур, а мый сэтшӧм лёк, тӧдӧны жӧ. И ставсӧ тайӧс тальны муас!
А со нывъяс, сійӧ жӧ небӧгаинас ас му юкӧнса нига видзысьяс, эз кутны вышитчыны, гожӧмбыд отсалісны меным. Тшӧтш и вель уна коми небӧг босьтлі налысь сканералӧм могысь. Талун ӧти нылыс, Маша, мунӧ вӧлі дыр кежлӧ шойччыны. Мися пырала кӧть кампетӧн аттьӧала ли мый ли. Но локтыссьӧма сёр нин. Пышйӧма нин нывкаыд гортӧ. Коли козинъяс Зарни Люсялы, ас му юкӧнса веськӧдлысьлы. Сэсся гашкӧ и Машаыдлы сетасны, волас кӧ на матысса кадӧ. Мед Машукыслӧн ставыс артмас, кыдзи шуласны: шуд да бур том олӧмас!
Зарни Люсяыд отпускасьны жӧ мӧдӧ выльлунсянь. Юралысьяс пӧ пӧдтӧны ковтӧм кабала нартӧн да, ковмас и шойччӧг дырйи волыны удж вылӧ. Зэв пессимист руа лои Люсяыд ӧні. Сійӧ тшӧтш кывбуралысь. Изьватас кыв кыпӧдысь и. Меным сідзсӧ оз кажитчы, кор зільӧны коми кывтӧ торйӧдны. Но мый татчӧ шуан. Быдыслы ас пельӧсыс дона. Кольӧ сӧмын югдӧдны войтыртӧ, гӧгӧрвоӧдны, мыйла миянлы колӧ ӧтувъя кывным...
Шонді катовтіс нин енэжтаслань, кор Первомай туй дорас вочаасим, бара виччысьтӧг, Вит Сергиевскӧйкӧд. Сё во эг аддзысьлӧй. Витыд - нималана сыктывкарса дзарпасалысь (фотограф) да коми культура кыпӧдысь. Нульӧд воясӧ на лӧсьӧдӧма "Нэмӧвӧй коми культура" сайт да тадзикӧн ӧтуввез пыр медводдзаӧн петкӧдліс коми ловвывса озырлунсӧ му сяр пасьтала тыдавмӧн. Ӧнісӧ пӧ кадыс коми вылӧ озджык коль, дзарпасалӧмыс бӧр кыскыны кутіс морттӧ. Варовитлім да, юӧртіс: плёнка вылӧ пӧ бӧр вуджа. Эм пӧ аслас плюсъяс лыдпаса фото дорысь, рӧмыс, шуам, уна пӧв пыдіджык артмӧ. Архаикалӧн гуся выныс ыштӧдӧ и...
Рытнас меным отсалысьяс пиысь ӧти, Вомынса Влад, вайис уджсӧ. Сійӧ тексталӧ Митрук Якӧс. Талун помаліс воддза версия "Изьва гызьӧ". Зэв ӧдйӧ лыддьӧ и буракодь казялӧ текстысь тырмытӧмторъяс. Ёна визув да зіль зон. Гижӧ диссер коми история кузя, ворсӧ коми спеттакъясын да нӧшта и коми кыв сӧвмӧдны отсалӧ. Мыйла нӧ этшаӧн комияс пӧвстын татшӧм зіль йӧзыс? Али кӧнкӧ тыр эмӧсь да син водзам озджык петкӧдчыны?
Комментариев нет:
Отправить комментарий