Воторник. Татшӧм нимсӧ коми войтырыд сьӧлӧмсяньыс кӧсйӧ вежон мӧд луныслы. Мый татчӧ шуан? Vox populi - vox Dei...
1990ʼ воясӧ, кор сӧстӧмджык коми терминъяс зілисны на лӧсьӧдлыны, вӧлі вӧзйӧма и лун нимъястӧ ва комиӧдны. Мӧд луныслы нимыс лои мӧдлун, весиг терминология видлалан комиссия сійӧс вынсьӧдӧма. Но татчӧ сыктывсаяс да код да шызисны - налӧн тай мӧдлуннас шуӧны аскомысьсӧ. Шогмытӧм нимыс, - шуисны и канбердса войтыр, газет-журналын зільысьяс, небӧг лэдзысьяс да челядьӧс велӧдысьяс. Воторникыс мусаджык... Кыдзи пуктісны 1990ʼ воясся коми интеллигент котыр, тадзи и йиджис йӧз вежӧрӧ сэсся - школа пыр, газет-журналысь да теле-радиоысь.
Сэсся шыбитісны и шӧрлун, и нёльӧдлун, и витӧдлун (ог нин шу пывсянлун ни помлун йылысь). Вежалун да выльлун, слабог, ошкисны. Мода вылӧ быттьӧ. Тадзикӧн и кольӧмаӧсь вежон лунъясыд роч нисьӧ коми нимаясӧн.
Воторниктӧ гарыштлі нин. Сэсся серӧда. Сійӧс мыйлакӧ серЕданас кутісны гижны. А мый помкаыс кыкпӧвстса еасьӧмыслы - куль тӧдӧ. Четверг. Тайӧс дзик нин рочӧн кольӧмаӧсь, эськӧ и комияс унджыклаын помас к пуктасны, да и мӧд шума шыыс уналаын к жӧ: тшекверк, чекверк, четьверк ли. Пекнича - но тані ен сыкӧдӧн, кӧть мукӧдыс чорыда сулалӧ петь-нича вылын. Субӧта - медъя. Аттьӧ кӧть абу суббота...
Ачым коркӧ, мифология да поэзия руын шлывъялігчӧж на, тшӧтш коми нимъяс лӧсьӧдалі рочыс пыдди. Вежонас мӧд луныс менам тай лои мӧдік. Перым коминас тайӧ кывйыс "мӧд" кодь жӧ вежӧртаса, а зыраналӧн сійӧ дук абу. ВоторнИКыдкӧд ӧти пома да, ассоциация вермис эськӧ чужны. Серӧдаыд дерт шӧрлун жӧ вӧлі менам. И бурджыкыс, шуны кӧ нин, оз ло. Четьверксӧ нимті чудьлун. Мыйла? Да мифологиясьыс тай тӧдам ыджыд четьверк йылысь, кор чудьыс петалӧ гуясысь да мыйкӧкертӧ ӧнія комияс пӧвстын. Чудьыд - комилӧн уна енлы эскысь важ айяс, абу сетчӧмаӧсь пыртчыны да муӧ мунӧмаӧсь - гуасьӧмаӧсь. Таысь кындзи чудьлуныс и мӧд боксянь миян культураӧ эськӧ пырис: вежалун - кристосаяслы, субӧта - юдаяслы, пекнича - муслиманалы, а чудьлун - чудь (важ коми) ног эскысьлы вежа лун быттьӧ. Сэсся шуим кӧ чудьлуннас четьверксӧ, ч-ыс коли эськӧ аббревиатураас. Тӧд вылын видзны кокниджык... Пекнича менам вӧлі перналун. Ӧт-кӧ, Кристостӧ пернаӧ сэк тувъялӧмаӧсь да сійӧн. А мӧд-кӧ, воддза п-ыс пекнича вылӧ и индӧ... Субӧта... Шулі нин пывсянлунтӧ. Эськӧ коді кор и пывсьӧ да. Енлун на вӧлі нимыс субӧтаыдлы, но сійӧс аббревиатураӧдз дженьдӧдны сьӧкыд...
Со татшӧм нимъяс чужины арся (сэки на гашкӧ гожся) юрын коркӧ, ылі лунвылын олігмоз на....
А тані войвылас.... Вӧчис вӧлись Ондре ёртӧй коми локаль. Сэсся позьӧ веськыда комиӧдны интерфейс. Тайӧ вежон лун нимъяснас вӧлись бӧрйысям да.
Волісны миянӧ талун и унакодь йӧз. Первой Кӧжмудорса Оля - сылы сетім роча-комиа кывкудсьыс ш да щ шыпасъяс редактируйтны. Сэсся эст кывйӧ велӧдысь Леа. Велӧдім сійӧс коми аффрикатаяс шуавны. Воліс Игушев ёрт, звӧнитліс ылі лунвылӧ да муніс, эгӧ и сёрнитлӧй. Но, и Микол Ӧльӧшнымӧс аддзылім жӧ. Лун нимъяс кузя жӧ и вежсим мӧвпъяснаным....
Пемдандор лӧсьӧдім юасьӧм Контакт пыр. Вежон мӧд лун кузяыс. Воторникасьыьсьясыд вермӧны: 70%. Но мый нӧ, кыдзи шуласны, быдыслы ассьыс.
Ӧти небӧг рытъявылас удиті жӧ сканируйтны. Сэсся гортӧ нин муна - а Linux дисплейын - заставка:
1990ʼ воясӧ, кор сӧстӧмджык коми терминъяс зілисны на лӧсьӧдлыны, вӧлі вӧзйӧма и лун нимъястӧ ва комиӧдны. Мӧд луныслы нимыс лои мӧдлун, весиг терминология видлалан комиссия сійӧс вынсьӧдӧма. Но татчӧ сыктывсаяс да код да шызисны - налӧн тай мӧдлуннас шуӧны аскомысьсӧ. Шогмытӧм нимыс, - шуисны и канбердса войтыр, газет-журналын зільысьяс, небӧг лэдзысьяс да челядьӧс велӧдысьяс. Воторникыс мусаджык... Кыдзи пуктісны 1990ʼ воясся коми интеллигент котыр, тадзи и йиджис йӧз вежӧрӧ сэсся - школа пыр, газет-журналысь да теле-радиоысь.
Сэсся шыбитісны и шӧрлун, и нёльӧдлун, и витӧдлун (ог нин шу пывсянлун ни помлун йылысь). Вежалун да выльлун, слабог, ошкисны. Мода вылӧ быттьӧ. Тадзикӧн и кольӧмаӧсь вежон лунъясыд роч нисьӧ коми нимаясӧн.
Воторниктӧ гарыштлі нин. Сэсся серӧда. Сійӧс мыйлакӧ серЕданас кутісны гижны. А мый помкаыс кыкпӧвстса еасьӧмыслы - куль тӧдӧ. Четверг. Тайӧс дзик нин рочӧн кольӧмаӧсь, эськӧ и комияс унджыклаын помас к пуктасны, да и мӧд шума шыыс уналаын к жӧ: тшекверк, чекверк, четьверк ли. Пекнича - но тані ен сыкӧдӧн, кӧть мукӧдыс чорыда сулалӧ петь-нича вылын. Субӧта - медъя. Аттьӧ кӧть абу суббота...
Ачым коркӧ, мифология да поэзия руын шлывъялігчӧж на, тшӧтш коми нимъяс лӧсьӧдалі рочыс пыдди. Вежонас мӧд луныс менам тай лои мӧдік. Перым коминас тайӧ кывйыс "мӧд" кодь жӧ вежӧртаса, а зыраналӧн сійӧ дук абу. ВоторнИКыдкӧд ӧти пома да, ассоциация вермис эськӧ чужны. Серӧдаыд дерт шӧрлун жӧ вӧлі менам. И бурджыкыс, шуны кӧ нин, оз ло. Четьверксӧ нимті чудьлун. Мыйла? Да мифологиясьыс тай тӧдам ыджыд четьверк йылысь, кор чудьыс петалӧ гуясысь да мыйкӧкертӧ ӧнія комияс пӧвстын. Чудьыд - комилӧн уна енлы эскысь важ айяс, абу сетчӧмаӧсь пыртчыны да муӧ мунӧмаӧсь - гуасьӧмаӧсь. Таысь кындзи чудьлуныс и мӧд боксянь миян культураӧ эськӧ пырис: вежалун - кристосаяслы, субӧта - юдаяслы, пекнича - муслиманалы, а чудьлун - чудь (важ коми) ног эскысьлы вежа лун быттьӧ. Сэсся шуим кӧ чудьлуннас четьверксӧ, ч-ыс коли эськӧ аббревиатураас. Тӧд вылын видзны кокниджык... Пекнича менам вӧлі перналун. Ӧт-кӧ, Кристостӧ пернаӧ сэк тувъялӧмаӧсь да сійӧн. А мӧд-кӧ, воддза п-ыс пекнича вылӧ и индӧ... Субӧта... Шулі нин пывсянлунтӧ. Эськӧ коді кор и пывсьӧ да. Енлун на вӧлі нимыс субӧтаыдлы, но сійӧс аббревиатураӧдз дженьдӧдны сьӧкыд...
Со татшӧм нимъяс чужины арся (сэки на гашкӧ гожся) юрын коркӧ, ылі лунвылын олігмоз на....
А тані войвылас.... Вӧчис вӧлись Ондре ёртӧй коми локаль. Сэсся позьӧ веськыда комиӧдны интерфейс. Тайӧ вежон лун нимъяснас вӧлись бӧрйысям да.
Волісны миянӧ талун и унакодь йӧз. Первой Кӧжмудорса Оля - сылы сетім роча-комиа кывкудсьыс ш да щ шыпасъяс редактируйтны. Сэсся эст кывйӧ велӧдысь Леа. Велӧдім сійӧс коми аффрикатаяс шуавны. Воліс Игушев ёрт, звӧнитліс ылі лунвылӧ да муніс, эгӧ и сёрнитлӧй. Но, и Микол Ӧльӧшнымӧс аддзылім жӧ. Лун нимъяс кузя жӧ и вежсим мӧвпъяснаным....
Пемдандор лӧсьӧдім юасьӧм Контакт пыр. Вежон мӧд лун кузяыс. Воторникасьыьсьясыд вермӧны: 70%. Но мый нӧ, кыдзи шуласны, быдыслы ассьыс.
Ӧти небӧг рытъявылас удиті жӧ сканируйтны. Сэсся гортӧ нин муна - а Linux дисплейын - заставка:
Комментариев нет:
Отправить комментарий