Жугыль

Олан-вылан да мудзыштан жӧ коркӧ. Чурки-буди вежон сӧмын на заводитчӧ, а со быттьӧ став вынсӧ нин кыскӧма кутшӧмкӧ лёк вир. Дементоръяс ли гӧгӧр шуксьӧны, кузь тӧв ли нач нин матын...

Мый талун и уджалі? Корректируйті файн-ридерас небӧг-мӧд, сканируйті стӧча нин кык небӧг, да сэсся юӧр ӧти небӧг йылысь пукті викианым. Сымда и вӧлі. Кытысь нӧ депресняк? Зумыш ывла ли мый ли тӧдчӧ? Зэрӧ нисьӧ оз. Озджык. Но кӧдзыд. Корйыс кельдӧдӧма лёкакодь нин. Кок улад шура-шаракылӧ и. Эськӧ, шуам, лабораторияад майбыр шоныд - кондиционер ёна плюсуйтӧма да. А лич оз лэдз, мӧдарӧ на...

Оз личӧдны весиг бур юӧръяс. Ӧт-кӧ, Ондре аддзис, кыдзи кодируйтӧны переносъяс. Аски тотарасьыс локтас да ставсӧ гӧгӧрбок висьталас-петкӧдлас. Мӧд-кӧ, миянӧ буракӧ регыд локтас содтӧд уджалысь... Стӧча кутам тӧдны да, юӧрта жӧ сэсся.

Тӧрыт на чайті, мися коми блогосфераным, Микол Ӧльӧш босьтчӧма жӧ да, Википедиялы выль edition лоас, кыкӧн и гижим тай вежалунас... Бӧрйысьӧм йывсьыд... Но со талун "Коми кывбуръяс" нима блогӧ авторыс содтӧма жӧ юӧрсӧ. Этша кокняммыштіс: сӧвмӧ на тай таті мыйкӧ! Мукӧдыс нӧ бара кӧні-а?