Гусьӧникӧн

Бӧрйысьӧмводзвывса чӧв-лӧнь талун да, став Коми муса йӧз моз тшӧтш чӧв усьлі, шы эг сетлы, кыв ни джын эг лэдзлы, гусьӧникӧн уджалі дай. Локті лабораторияӧ, пукси компьютер водзӧ дай редактируйті «Войвыв кодзувъяслысь» ӧтувъя юриндалысьсӧ. Рытъявылас ӧнія помӧдз вӧлись воӧдчи, 1960ʼ вося ӧшым тӧлысьӧдз. Сэсся виччыся, кор Катюшыд выль номеръяссӧ ваяс.

Лыддьӧг лӧсьӧдігӧн колӧ вӧлі кодарӧкӧ керсьыны — кыдзи пасъям циклъяс да журналса юкӧнъяс, журналса и ассьыным пасйӧдъяссӧ да м.д.



Ӧні тадзи кымын:

• цикл — {}
• журналса юкӧн — <>
• асланым пасйӧдъяс — курсивӧн.
• журналса пасйӧдъяс — колям кыдз эм.

Комиӧдӧма кӧ вӧлі текстыс, сідз и пасъям водза сувтсӧгас: [комиӧдӧм], вуджӧдчысь ним бӧрӧ, тӧдам кӧ мортсӧ.

Перым коми кыв вылысь вуджӧдӧмсӧ пасъям водза сувтсӧгас тадз: [перым коми вылысь]

Йӧз авторъястӧ индам коймӧд сувтсӧгас пӧлыня пас / сайӧ.

Мукӧддырйи ог на тӧд — комиӧн гижӧма мортыс али сылысь комиӧдісны. Сэки ??? шняпки. Но нӧшта на унджыклаӧ колӧ юасян пасъястӧ пуктавны, медым сэсся юасьны тӧдысьджык мортъяссьыд.

Кузь тексттӧ кӧ вӧлі йӧзӧдӧма некымын №-ын, коймӧд сувтсӧгас пасъям [воддза юкӧн], [выль юкӧн], [пом].

Жанръяссӧ колӧ на стӧчмӧдавны. Терминъястӧ тшӧтш. Шуам, гижны кӧ «статья» пыдди «гижӧд», лоӧ вывті паськыд вежӧртас. Мый и керны? Стӧчмӧдавны век (юбил. гижӧд, ист. гижӧд, проп. гижӧд)?

Сэсся татшӧм терминъяс: обработка, обзор, обозрение, вклейка (бӧръясӧ «ляскӧмторнас» нимтім).

Роч текстъястӧ рудӧдӧма. Мый вӧчны перым коми текстъясӧн — ог на тӧд.

Ыджыд проблема — гижанног. Молодцовичатӧ кӧ ӧнія графикаӧ вуджӧдігмоз талунъя орфография серти и гижам (оригиналыс орччӧн), мый тані вӧчны — графика талунъя, а гижанног сэтшӧм, кодысь ӧні вӧлись мездысям...

Сэсся колӧ-оз фотояс йылысь информация, ас пиар (Судзӧдӧй XZYQ во кежлӧ литературно-художественнӧй да общественно-политическӧй журнал "Войвыв кодзув"!) да м. д.

Но и сы ыджда табличатӧ-радзтӧ юктӧг ог жӧ сэсся олӧй! Ен мед оз сет, ратшмунас ӧтуввезъяд... Колӧкӧ, дасвояс вылӧ торйӧдам.

Дженьыда кӧ, нокыс тыр на лоас. Кодлы окота, пырӧдчӧй!