Пекнича forever!

Талунъя лоӧмторъясысь:

1. Сідз шусяна таллинсаяс велалісны лыдпасъяссӧ лыд нимъясӧ пӧртны. Ондре тшӧтш сэсся кужӧ - ворсантор кодь мыйкӧ артмис.  OAHPA!
2. Асывнас волӧма Кипиёваса Лена, Лавӧс абу суӧма да мунӧма бӧр. Зіль нылыд пӧ помалӧма роча-комиа кывкудсьыс ассьыс юкӧн.  Аски видзӧдлам.
3. Петкӧдчыліс и узьысь красавичаным, лоана роч чиновничаыд. Талун  збыль вылас сканерасис - но кор и помалас коми эпостӧ, гӧгӧрвотӧм. 
4. Лӧсьӧдалі текстъяс Кебраса Нина небӧгъясысь. Луныс та сорӧнджык и быри.
5. Ондре висьӧ - пинь аныс пыкталӧма, а оз и мун бурдӧдысьяс дорӧ. Весьшӧрӧ пӧ... И ме сыкӧд сӧглас. Ӧт боксянь.  А мӧдласянь кӧ - дзик пыр колӧ котӧртны больничаӧ!
6. Игушев ёрт рытнас миянкӧд тшӧтш уджаліс - дасьтіс гижӧд манси кыв йылысь. 
7. Комиӧн блогйыны колины буракӧ сӧмын Тувсовъя да Арся... Медводдзаыд суӧдіс даки талунъя лунсӧ!..
8. Лаборатория кузя некутшӧм юӧр ӧнӧдз абу.  Юралысьяс век на ыдъясьӧны-пудъясьӧны-шегъясьӧны.
9. Вой кежлӧ пукті перналунтӧ гӧлӧсуйтны. Эськӧ сідз нин гӧгӧрвоана - вермас пекнича...