Шойччан лунъяс бӧрын выль вежон заводитчис зэв кыпыда. Ывлаыс ыркыд. Выльлун да, кыдз и пыр, помка лои томмыштны - бритчыны, мыссьыны, шырсьыны. Ӧти сайын и пажнайтны. Сійӧн локті уджавны лун шӧрланьыс. Пыри, а керкавидзысь, полковник талун, меным юӧртӧ, тіян пӧ волысьяс нин. Абу аслам сідзсӧ, а веськӧдлысьлӧн. Ачыс абу жӧ, сӧвещайтчӧ. Ондре гуляйтӧ жӧ...
Проф. Игушев да Кипиёваса ныв, вӧлӧмкӧ, важӧн кодь нин виччысьӧны. Ленаӧс талун кырымӧдасны сёрнитчӧмӧн кывкуд вӧчны, а профессор бара кӧсйӧ печатайтчыны. Пукӧді нывкасӧ лабораторияын, а профессорӧс катӧді нёльӧд судтаӧдз. Уджнывъёртъяс сэн пыр и элясисны - кывкудъяд пӧ гражданин пыдди карувса пукалӧ - колӧ пӧ вежны. Сідз мися и коляс пукавны коми кыв роч пыддиыс. Этша вылӧ кытчӧдз ме тіянкӧд.
Регыд локтіс и Вертепса, ставсӧ кыдзи колӧ оформитіс нывкасӧ. А ме викианым нырӧс сюйи. Сюри "Скайфолл". Во сайын нин шыӧдчылі став миян поэтесса дорӧ вуджӧдны тайӧ сьыланкывсӧ. Коми подстрочник вӧчи, билингва. Мися некымын комиӧдӧм лоас да, позяс орччӧн пуктыны да медбурсӧ бӧрйыны. Но со воысь дыр нин коли, а чужи сӧмын ӧти вуджӧдӧм. Скӧрӧдумсаыд, шань ныв, мӧймуся августын зільӧма. Со и лои талун пуктыны викиас сӧмын сылысь "Скайфолл"...
Пыраліс Важгортса, ёна нин сумлевайтчӧ - колӧ-оз нимтыны блогсӧ Куим Ю. Гашкӧ мися Ы-ыс тырмас? А Ы-лы, шуӧ, талун-аски восьтасны контактас листбок. Ӧти сайын, тӧрыт восьтісны нӧшта ӧти листбок контактас, коми кывбур гижысьяслы. Но листбокыс мыйлакӧ рочӧн! Сё морӧ! Сеті ысаяслы индӧд, йӧзӧдны сӧмын челядьлысь да томджыкъяслысь мичмыд гижӧдъяссӧ. Мися "Йӧлӧга" сідз нин культура фон сетӧ, а тан мися колӧ, медым журналпуыд вӧлі чистӧ томъяслӧн, асланыс киӧн вӧчӧма. Удораса вочавидзис, талун пӧ Ы-ыд дзоля на ёль, туйдыны колӧ зумыд киӧн. А быдмас пӧ да гашкӧ Лена ним пуктам глянеча журналыслы. Ыджыд Сибырса ю ним сертиыс. Но, мися, и якут кыв вылын произведенньӧястӧ кутам сэтчӧ йӧзӧдавны...
Луннас пелькӧді миян викианым юриндалысьяс Скӧрӧдумса да Кӧжмудорса поэтессаяс серти.
Рытъявылас шӧр офисӧ воліс Кӧжмудорса, оформитчис уджавны сёрнитчӧм серти. Кутас Кипиёваса моз жӧ интегрируйтны роча-комиа кывкуд. Сэсся, лоасны кӧ ставкаяс, кыкнан нывсӧ позяс босьтны уджавны зумыд подулас - первой миянкӧд, сэсся и миян пыдди. Зэв уджачӧсь и вежӧраӧсь да.
Пыраліс Лы Тун. Сёрнитім сы йылысь, кутшӧм лоас "Войвыв кодзув" локтан майын. Пашыстъясӧс пазӧдӧмсянь выль юбилейысь кындзи нӧшта кык гижысьлӧн гӧгрӧс пас сэки слӧймылас. Кыдзи позьӧ тайӧ ставсӧ ӧтувтны ӧти номерӧ? Гарыштім и мукӧд, вылыссаджык майшӧгъяс. Республикаса юралысьлысь шойччӧг да мый. Бӧрйысьӧм бӧрын став чиновнӧй бомондыс кынмӧма да виччысьӧ, кодӧс кытчӧ вештасны, кайзерыд удж вылӧ петас да. Сійӧн некутшӧм решенньӧяс оз вӧчны. Лы Тун шмонитыштіс - картупель идралӧмысь пӧ тшӧтш лоӧ дугдывны юралысь шойччигкості.
Мый нӧшта вӧлі? А, Иван Васьлысь витнан небӧгсӧ лунтыр каталогизируйті, юӧртана гижӧдъяс лӧсьӧді да пукті ӧтуввезйӧ (Нэмдінсаыд коркӧ кӧсйысьліс да абу и вӧчӧма, ковмис аслым лунсӧ компетентнӧй поэтыдлы сины). Муртса Васьыслысь "Зарни ань" небӧгсӧ эштӧді, муса ныв корис рандеву вылӧ. Рытывбыд сэсся колльӧдчи... Романтик тэ, Арся!
Проф. Игушев да Кипиёваса ныв, вӧлӧмкӧ, важӧн кодь нин виччысьӧны. Ленаӧс талун кырымӧдасны сёрнитчӧмӧн кывкуд вӧчны, а профессор бара кӧсйӧ печатайтчыны. Пукӧді нывкасӧ лабораторияын, а профессорӧс катӧді нёльӧд судтаӧдз. Уджнывъёртъяс сэн пыр и элясисны - кывкудъяд пӧ гражданин пыдди карувса пукалӧ - колӧ пӧ вежны. Сідз мися и коляс пукавны коми кыв роч пыддиыс. Этша вылӧ кытчӧдз ме тіянкӧд.
Регыд локтіс и Вертепса, ставсӧ кыдзи колӧ оформитіс нывкасӧ. А ме викианым нырӧс сюйи. Сюри "Скайфолл". Во сайын нин шыӧдчылі став миян поэтесса дорӧ вуджӧдны тайӧ сьыланкывсӧ. Коми подстрочник вӧчи, билингва. Мися некымын комиӧдӧм лоас да, позяс орччӧн пуктыны да медбурсӧ бӧрйыны. Но со воысь дыр нин коли, а чужи сӧмын ӧти вуджӧдӧм. Скӧрӧдумсаыд, шань ныв, мӧймуся августын зільӧма. Со и лои талун пуктыны викиас сӧмын сылысь "Скайфолл"...
Пыраліс Важгортса, ёна нин сумлевайтчӧ - колӧ-оз нимтыны блогсӧ Куим Ю. Гашкӧ мися Ы-ыс тырмас? А Ы-лы, шуӧ, талун-аски восьтасны контактас листбок. Ӧти сайын, тӧрыт восьтісны нӧшта ӧти листбок контактас, коми кывбур гижысьяслы. Но листбокыс мыйлакӧ рочӧн! Сё морӧ! Сеті ысаяслы индӧд, йӧзӧдны сӧмын челядьлысь да томджыкъяслысь мичмыд гижӧдъяссӧ. Мися "Йӧлӧга" сідз нин культура фон сетӧ, а тан мися колӧ, медым журналпуыд вӧлі чистӧ томъяслӧн, асланыс киӧн вӧчӧма. Удораса вочавидзис, талун пӧ Ы-ыд дзоля на ёль, туйдыны колӧ зумыд киӧн. А быдмас пӧ да гашкӧ Лена ним пуктам глянеча журналыслы. Ыджыд Сибырса ю ним сертиыс. Но, мися, и якут кыв вылын произведенньӧястӧ кутам сэтчӧ йӧзӧдавны...
Луннас пелькӧді миян викианым юриндалысьяс Скӧрӧдумса да Кӧжмудорса поэтессаяс серти.
Рытъявылас шӧр офисӧ воліс Кӧжмудорса, оформитчис уджавны сёрнитчӧм серти. Кутас Кипиёваса моз жӧ интегрируйтны роча-комиа кывкуд. Сэсся, лоасны кӧ ставкаяс, кыкнан нывсӧ позяс босьтны уджавны зумыд подулас - первой миянкӧд, сэсся и миян пыдди. Зэв уджачӧсь и вежӧраӧсь да.
Пыраліс Лы Тун. Сёрнитім сы йылысь, кутшӧм лоас "Войвыв кодзув" локтан майын. Пашыстъясӧс пазӧдӧмсянь выль юбилейысь кындзи нӧшта кык гижысьлӧн гӧгрӧс пас сэки слӧймылас. Кыдзи позьӧ тайӧ ставсӧ ӧтувтны ӧти номерӧ? Гарыштім и мукӧд, вылыссаджык майшӧгъяс. Республикаса юралысьлысь шойччӧг да мый. Бӧрйысьӧм бӧрын став чиновнӧй бомондыс кынмӧма да виччысьӧ, кодӧс кытчӧ вештасны, кайзерыд удж вылӧ петас да. Сійӧн некутшӧм решенньӧяс оз вӧчны. Лы Тун шмонитыштіс - картупель идралӧмысь пӧ тшӧтш лоӧ дугдывны юралысь шойччигкості.
Мый нӧшта вӧлі? А, Иван Васьлысь витнан небӧгсӧ лунтыр каталогизируйті, юӧртана гижӧдъяс лӧсьӧді да пукті ӧтуввезйӧ (Нэмдінсаыд коркӧ кӧсйысьліс да абу и вӧчӧма, ковмис аслым лунсӧ компетентнӧй поэтыдлы сины). Муртса Васьыслысь "Зарни ань" небӧгсӧ эштӧді, муса ныв корис рандеву вылӧ. Рытывбыд сэсся колльӧдчи... Романтик тэ, Арся!
Комментариев нет:
Отправить комментарий