Югыд шонді. Мича ывла. Ышмӧдан кос поводдя. Пыдӧстӧм енэж. Уна рӧма кор. Гожся кодь виж на турун...
А мудзим мыйкӧ ми Ондрекӧд уджавны. Эськӧ ставӧн зільӧны миянӧс ышӧдны, зарни гӧраяс кӧсйӧны да маа юяс. А со тай - джӧмдіс уджыд. Висьӧдчам и. Кынмалім, гӧжӧм ракаяс.
Асывнас удиті жӧ ноксьыштны табличаясӧн. А сідзсӧ талун менам вӧлі, позьӧ кӧ тадзи шуны, шӧйтан лун.
Пажын бӧрын бара индӧдчи нац. небӧгаинӧ, сканералӧм кузя пыдіджыка сёрнитны. Мунӧ насянь морт роча-финна форумӧ локтан вежон да, сэки, ен кӧ сетас, ёнмӧдасны библиотекакостса йитӧднысӧ. Мыйджык да кыдзджык ӧтувъя вынӧн сканируйтны позьӧ, сы йылысь и варовитім.
НБРК-ас сюри кӧ нин, ӧти сайын интересуйтчи, пуктасны коркӧ оз Коми Республикаса медшӧр библиотекаӧ коми раскладканымӧс... Районъяссаясӧ пукталім, школаясӧ, мукӧдлаӧ тшӧтш. А со юркарса нига видзанін ӧтарӧ юасьӧ: мыйла тайӧ колӧ? Талун комплектуйтӧмӧн веськӧдлысь ань эськӧ бара шуис - миянлы пӧ колӧ раскладкаыд - да нуӧдіс небӧгаинса сисадмин дорӧ. Мӧдыслы ковмис сэсся час джын гӧгӧрвоӧдны. Мый сэтшӧм коми раскладка. Мыйла сытӧг тайӧ уджкеркаыс оз ов. Буракӧ бӧръяпом сетчис жӧ кывйӧ. Корджык мися пуктанныд? Воча кыв вӧлі - кык вежон мысти пӧ звӧнит, висьталам результатсӧ. Первой натшальство лэдзас да. Сэсся коркӧ. Мися ачым вола йирым дырйи, видлала. Шуны кӧ, медым пуктыны шыпаспӧвйӧ коми тэчасног ӧти минут и тырмӧ-а...
Орчча ӧдзӧсыс вӧлӧма реставратор жырйӧ. Пыри да тӧдмаси небӧгъяс дзоньталысь анькӧд, Лена нимыс. Зэв шань да варов. Кӧсйысис отсавны вурыштны небӧг-мӧд, менам тай сканерасигтыр гежӧдика разьны лоӧ нигатӧ, а сэсся бӧр йитны. Ӧні тӧда, код дорӧ шыӧдчыны отсӧгла.
Библиотекасянь мӧдӧдчи Курмузейӧ. Сеті бӧр коркӧ босьтлӧм (да сканируйтӧм) небӧгъяс, босьтлі кык-ӧ-куим выльӧс. Сёрниӧ воим нига видзысьыскӧд. Зэв варов нылыс. Бара удж да шойччӧг кузя вензьыштім. Козьналіс меным клён кор, гижӧдӧн:
А мудзим мыйкӧ ми Ондрекӧд уджавны. Эськӧ ставӧн зільӧны миянӧс ышӧдны, зарни гӧраяс кӧсйӧны да маа юяс. А со тай - джӧмдіс уджыд. Висьӧдчам и. Кынмалім, гӧжӧм ракаяс.
Асывнас удиті жӧ ноксьыштны табличаясӧн. А сідзсӧ талун менам вӧлі, позьӧ кӧ тадзи шуны, шӧйтан лун.
Пажын бӧрын бара индӧдчи нац. небӧгаинӧ, сканералӧм кузя пыдіджыка сёрнитны. Мунӧ насянь морт роча-финна форумӧ локтан вежон да, сэки, ен кӧ сетас, ёнмӧдасны библиотекакостса йитӧднысӧ. Мыйджык да кыдзджык ӧтувъя вынӧн сканируйтны позьӧ, сы йылысь и варовитім.
НБРК-ас сюри кӧ нин, ӧти сайын интересуйтчи, пуктасны коркӧ оз Коми Республикаса медшӧр библиотекаӧ коми раскладканымӧс... Районъяссаясӧ пукталім, школаясӧ, мукӧдлаӧ тшӧтш. А со юркарса нига видзанін ӧтарӧ юасьӧ: мыйла тайӧ колӧ? Талун комплектуйтӧмӧн веськӧдлысь ань эськӧ бара шуис - миянлы пӧ колӧ раскладкаыд - да нуӧдіс небӧгаинса сисадмин дорӧ. Мӧдыслы ковмис сэсся час джын гӧгӧрвоӧдны. Мый сэтшӧм коми раскладка. Мыйла сытӧг тайӧ уджкеркаыс оз ов. Буракӧ бӧръяпом сетчис жӧ кывйӧ. Корджык мися пуктанныд? Воча кыв вӧлі - кык вежон мысти пӧ звӧнит, висьталам результатсӧ. Первой натшальство лэдзас да. Сэсся коркӧ. Мися ачым вола йирым дырйи, видлала. Шуны кӧ, медым пуктыны шыпаспӧвйӧ коми тэчасног ӧти минут и тырмӧ-а...
Орчча ӧдзӧсыс вӧлӧма реставратор жырйӧ. Пыри да тӧдмаси небӧгъяс дзоньталысь анькӧд, Лена нимыс. Зэв шань да варов. Кӧсйысис отсавны вурыштны небӧг-мӧд, менам тай сканерасигтыр гежӧдика разьны лоӧ нигатӧ, а сэсся бӧр йитны. Ӧні тӧда, код дорӧ шыӧдчыны отсӧгла.
Библиотекасянь мӧдӧдчи Курмузейӧ. Сеті бӧр коркӧ босьтлӧм (да сканируйтӧм) небӧгъяс, босьтлі кык-ӧ-куим выльӧс. Сёрниӧ воим нига видзысьыскӧд. Зэв варов нылыс. Бара удж да шойччӧг кузя вензьыштім. Козьналіс меным клён кор, гижӧдӧн:
Медым пӧ шойччыны он вунӧд. Кайлі Гриш Диана дорӧ, аттьӧалі "Ударникъясысь" да петкӧдлі ӧтуввезса библиографиянымӧс. Ёна и ошкис. Чайта да, кутам водзӧ ёртасьны музейыскӧд, коми литература кузя тӧдӧмлунъясӧн юксьыны.
Бӧр, печать керкалань, восьлалігӧн слӧймӧдчи аддзысьлыны куим тӧдсакӧд. Наташа, Маршакын уджалысьыс, Ленин туй дорас паныд сюри, котӧрта пӧ магистрасьны. Сэсся мунігмоз пыралі Тувсовъя дорӧ Ванеевӧн чукӧртӧм Есенин небӧгла, а Степан Изэрд дінса скверын люкасим Пуксибса Ленакӧд, КНЦ-са уджнывъёрткӧд. Тані сёрни дерт вӧлі диссеръяс гӧгӧрджык.
Сюръяын рытъя нурйӧн нуръясьышті да рытъя удж вылӧ. Ондре дзик нин гажтӧм. Тотар кыв тӧд вылӧ уськӧдӧ. Пыралісны Кодзув Ӧльӧш да Кола Микулай. Тшӧтш жуйвидзӧны талун. Пӧрӧс ли мый ветлӧ... Рӧмдігас дыркодь дзоньтасим компьютерам, сэсся лёкиника мыйкӧкертӧ нин. Позис нин редактируйтны тӧрыт тексталӧм "Кекурсӧ" да, вӧлись мӧдӧді сійӧс Кудымкарӧ. Вой кежлас удиті на спеллеравны Вольӧглысь 2006ʼ вося небӧг. Сымдышки и вӧлі уджыд.
Комментариев нет:
Отправить комментарий