Коймӧд ю?

Кок ув зарни

Талун некытчӧ эг и ветлы. Печать керкаын лун и коллялі. Буди нёльӧд судтаӧдз кайлі видзӧдны, кыдзи олӧны-вылӧны коми мусаяс. Олӧны тай. Выль юралысьӧн. Но ёнасӧ нинӧм абу на и вежсьӧма... Выліас бара интересуйтчи офице-рыс / офицер-ыс майшӧгӧн. Нӧшта ӧти корректор сюри да. Аньыс тшӧтш шуӧ, слогалӧмӧн пӧ колӧ юкны кості лэччӧдігад.

Лабораторияын джын лун пелькӧді тексталӧмсӧ, йӧзыс тай вайлісны текстъястӧ быдсикас формаын да унифицируйтны лоӧ.  Ондреным Микулайкӧд видлісны ладмӧдны индизайнӧ коми модульяс. Эз на артмы.

"Kьk ju" in "Vojvьv koʒuv"

Вомынса Влад вайис Гриш Пашлысь текст. Дзоньнас босьтӧмӧн сійӧ тексталӧма кык тӧлысьӧн 11 кызкодь небӧг.  Зэв зіль зон! Нывкаяс тай кӧнкӧ нюжмасьӧны-а.

Рытнас Ондре пуктіс меным компьютерӧ HFST. Важӧн нин чайтім вуджны тайӧ система вылӧ. Сы отсӧгӧн позьӧ вӧчны кывкудъяс, морфоанализаторъяс, спеллеръяс... И со вӧлись артмис программасӧ пуктыны! Кутам сэсся велавны выль ног овны.

Ленаа-Любаалӧн петіс дыр виччысяна "Кык ю" повесьт. Вой кежлӧ заводиті лыддьыны. "Войвыв кодзув" йӧзӧдіс. Важӧн нин шулі нывкаясыслы пуктавны повесьтлысь юкӧнъяс "Куим ю" блогас, коді ӧнӧдз тыртӧмалӧ - матӧ кык тӧлысь нин. Коймӧд юнысӧ мед аддзасны дай.

Вӧзйыси эськӧ ачым коймӧд пыддиыс, но Кама нима юӧй да, озджык гӧгӧрвоны бара.

А поводдяыд век на зарниасьӧ... Кодсюрӧ дачаясын и...